Mpfuxeto Wa Xikolo Xa Vutirheli Bya Le Tilweni — Watchtower LAYIBURARI YA LE KA WEB SITE

Mpfuxeto Wa Xikolo Xa Vutirheli Bya Le Tilweni

Swivutiso leswi landzelaka swi ta kambisisiwa eXikolweni xa Vutirheli bya le Tilweni hi vhiki leri sungulaka hi February 23, 2009. Mulanguteri wa xikolo u ta fambisa mpfuxeto wa timinete ta 20 lowu sekeriweke eka rungula ra tinkulumo leti nyikeriweke ku sukela eka vhiki ra January 5 ku ya eka February 23, 2009.

1. Xana Xikwembu xi nga va xi ku tise njhani ku vonakala hi siku ro sungula kasi timboni ti endliwe hi siku ra vumune? (Gen. 1:3, 16) [w04-TS 1/1 tl. 28 ndz. 5]

2. Ha yini Yehovha a nga n’wi byelanga Nowa leswaku a fuma misava hilaha a nga vula hakona eka Adamu loyi a a hetisekile? (Gen. 9:1) [it-2 tl. 1095 ndz. 6]

3. Xana Ntwanano wa Abrahama wu sungule rini ku tirha, naswona wu ta heta nkarhi wo tanihi kwihi? (Gen. 12:1-4) [w04-TS 1/15 tl. 27 ndz. 1; w01-TS 8/15 tl. 17 ndz. 13]

4. I yini lexi kombisaka leswaku Nimrodo swin’we ni valandzeri vakwe va tsandzekile eka leswi a va lava ku swi endla leswaku va ‘tiendlela vito ra ndhuma’? (Gen. 11:4) [w98-TS 3/15 tl. 25]

5. Tanihi leswi Lota a vitaniwaka wanuna wo “lulama” eka 2 Petro 2:7, ha yini a a lava ku nyikela hi vana vakwe eka ntshungu wo homboloka? (Gen. 19:8) [w05-TS 2/1 tl. 25 tindz. 15-16; w04-TS 1/15 tl. 27 ndz. 3]

6. Leswi vavanuna lava chavaka Xikwembu va faneleke va wundla mindyangu ya vona, ha yini Abrahama a hlongole Agara na Iximayele va ya emananga? (Gen. 21:10-21; 1 Tim. 5:8) [w88-TS 2/15 tl. 31]

7. Xana hi dyondza yini eka matshalatshala ya Eliyezere yo endla swilo hi ndlela ya Yehovha loko a ya lavela Isaka nsati? (Gen. 24:14, 15, 17-19, 26, 27) [w97-TS 1/1 tl. 31 ndz. 2]

8. Xana a wu vula yini norho wa Yakobe laha a nga vona tintsumi ti ri karhi ti ‘tlhandluka ni ku rhelela hi xitepisi’? (Gen. 28:10-13) [w03-TS 10/15 tl. 29 ndz. 1; it-2 tl. 189]

9. Ha yini Rahele a a ti lava hi mbilu hinkwayo timandrake ta n’wana wa Leya? (Gen. 30:14, 15) [w04-TS 1/15 tl. 28 ndz. 7]

10. Xikombiso xa Yakobe xi nga va pfuna njhani vanhu leswaku va tlhantlha swiphiqo loko va tlulane milenge? (Gen. 33:3, 4) [g82 2/22 tl. 19 tindz. 8-10]