Switiviso

◼ Minkandziyiso leyi nga ta fambisiwa hi May: Timagazini ta Xihondzo xo Rindza na Xalamuka! Loko mi endla maendzo yo vuyela eka vanhu lava tsakelaka ku katsa ni lava a va ri kona eXitsundzuxweni kumbe eka lava minkarhi yin’wana va vaka kona eminhlanganweni ya hina, tiyimiseleni ku sungula dyondzo ya Bibele na vona hi ku tirhisa buku leyi nge Leswi Bibele Yi Swi Dyondzisaka. June: Xana Bibele Yi Dyondzisa Yini Hakunene? July na August: Ku nga fambisiwa yin’wana ni yin’wana ya tibroxara leti landzelaka leti nga ni matluka ya 32: Gondzo Leri Yaka eVuton’wini Lebyi Nga Heriki—Xana Se U Ri Kumile?, Mimoya Ya Vafi—Xana Yi Nga Ku Pfuna Kumbe Yi Nga Ku Vavisa? Xana Yi Kona Hakunene?, Tsakela Vutomi eMisaveni Hi Masiku!, Xana Xikwembu Xa Hi Khathalela Hakunene? ni leyi nge U Nga Va Munghana Wa Xikwembu!

◼ Loko u ta ya eminhlanganweni ya vandlha, enhlengeletanweni kumbe entsombanweni wa muganga wa le tikweni rin’wana, swivutiso swa wena malunghana ni masiku, minkarhi ni tindhawu u fanele u swi kongomisa ehofisini ya rhavi leri langutelaka ntirho wo chumayela etikweni rero. Tiadirese ta marhavi ti xaxametiwe eka tluka ro hetelela ra Buku Ya Lembe ya sweswinyana.

◼ Ku ta va ni tsima ro rhambela vanhu emintsombanweni ya muganga ni ya matiko yo hambana-hambana leyi nga ta va kona hi 2009 emisaveni hinkwayo. Vahuweleri va ta va ni lunghelo ro fambisa xirhambo xo hlawuleka ensin’wini ya vona. Tsima leri ri fanele ri sunguriwa ka ha sele mavhiki manharhu leswaku vandlha ra n’wina ri ya entsombanweni lowu ri nga averiwa eka wona.