Switiviso

◼ Minkandziyiso leyi nga ta fambisiwa hi September: Xana Bibele Yi Dyondzisa Yini Hakunene? October: Timagazini ta Xihondzo xo Rindza ni Xalamuka! November: Xana Bibele Yi Dyondzisa Yini Hakunene? December: Nghwazi Leyi Tshameke Yi Hanya. Emitini leyi nga ni vana, mi nga ha fambisa buku leyi nge Dyondza Eka Mudyondzisi Lonkulu. January: Xana Bibele Yi Dyondzisa Yini Hakunene?

◼ Xiyimiso lexi humaka lembe rin’wana ni rin’wana xa Xikolo xa Vutirheli bya le Tilweni a xi nge he humesiwi eka Vutirheli Bya Hina Bya Mfumo. Ku ri na sweswo, lembe rin’wana ni rin’wana mavandlha hinkwawo ma ta rhumeriwa tikopi timbirhi ta xiyimiso lexi, naswona kopi yin’wana yi fanele yi vekiwa ebodweni ya switiviso eHolweni ya Mfumo. Leyin’wana yi ta nyikiwa mulanguteri wa xikolo leswaku a yi tirhisela ku avela vahuweleri swiavelo. Vahuweleri va ha ta hambeta va kuma tikopi ta vona ta Vutirheli Bya Hina Bya Mfumo n’hweti yin’wana ni yin’wana naswona byi ta kombisa xiyimiso xa vhiki rin’wana ni rin’wana xa Dyondzo ya Bibele ya Vandlha, Xikolo xa Vutirheli bya le Tilweni ni Nhlangano wa Ntirho.

◼ Ku sukela hi vhiki ra March 1, 2010, buku leyi nge ‘Tana U Va Mulandzeri Wa Mina’ yi ta dyondziwa eka Dyondzo ya Bibele ya Vandlha. Mavandlha lama lavaka mphakelo wa tibuku leti ma fanele ku rhumela swikombelo swa wona loko ma endla swikombelo leswi landzelaka swa tibuku.

◼ April 17, 2010, ku ta va Siku ra hina ro hlawuleka ro fambisa timagazini. Hi mi khutaza hinkwenu leswaku mi sungula ku hlela swiyimo swa n’wina leswaku mi ta hlanganyela hi xitalo haxawa.