Switiviso

◼ Minkandziyiso leyi nga ta fambisiwa hi January: Xana Bibele Yi Dyondzisa Yini Hakunene? February: Tshinela Eka Yehovha kumbe Xihundla Xa Ntsako eNdyangwini. March: Xana Bibele Yi Dyondzisa Yini Hakunene? April na May: Timagazini ta Xihondzo xo Rindza ni Xalamuka!

◼ Ku sukela hi February valanguteri va swifundzha va ta nyikela nkulumo leyintshwa leyi nga ni nhloko-mhaka leyi nge “Leswi Mfumo Wa Xikwembu Wu Hi Endlelaka Swona Sweswi.”

◼ Eka tin’hweti ti nga ri tingani leti nga hundza ku nyiketeriwe Tiholo ta Mfumo ta tsevu. Hi tsaka ni vandlha ra le Mooiplaas (le Elukwatini), Nqutu, St. Chad’s (le Ezakheni), Peacetown na Watersmeet (eLadysmith) na Wembesi (le Estcourt).

◼ Hi kombela mi tsalela Ndzawulo yo Aka Tiholo ta Mfumo leswaku mi kuma mpfumelelo emahlweni ko va mi lava ndhawu leyi mi nga ta aka eka yona Holo ya Mfumo, loko mi nga si aka Holo ya Mfumo kumbe ku lunghisa swilo leswikulu eholweni ya n’wina. Tanihi leswi Huvo leyi Fumaka ku nga yona leyi kongomisaka ku tirhisiwa ka Tiholo ta Mfumo, Tiholo letintshwa ta Mfumo ti fanele ti akiwa endhawini leyi nga exikarhi leswaku ti ta tirhisiwa hi mavandlha yo hlayanyana.