Switiviso

◼ Minkandziyiso leyi nga ta fambisiwa hi July na August: Broxara leyi nge U Nga Va Munghana Wa Xikwembu! ni leyi nge Gondzo Leri Yaka eVuton’wini Lebyi Nga Heriki—Xana Se U Ri Kumile? kumbe yin’wana ni yin’wana leyi mi nga na yona exitokweni. Mavandlha lawa ma nga ni broxara leyi nge I Yini Leswi Xikwembu Xi Swi Languteleke Eka Hina? ma nga yi fambisa. September: Xana Bibele Yi Dyondzisa Yini Hakunene? Tiyimiseleni ku sungula tidyondzo ta Bibele eka riendzo ro sungula. October: Timagazini ta Xihondzo xo Rindza ni Xalamuka! Loko ku ri ni lava kombiseke ku tsakela, va nyikeni xiphephana lexi nge Xana Wa Swi Lava Ku Kuma Tinhlamulo Ta Swivutiso Swa Nkoka Swinene eVuton’wini? kutani mi tiyimisela ku sungula dyondzo ya Bibele na vona.

◼ Ha tsaka ku mi tivisa leswaku tsima ra nsimu leyi nga aviwangiki leri veke kona hi 2009 ri seketeriwe kahle. Yehovha u ma katekisile matshalatshala ya vahuweleri va 10 942 vo huma emavandlheni ya 293 eAfrika Dzonga, Botswana, Lesotho, Namibia na Swaziland lava seketeleke tsima leri. Va fambise tibuku ta 12 344, tibroxara ta 38 865 ni timagazini ta 84 868. Va hete tiawara ta 84 174 ensin’wini va tlhela va endla maendzo yo vuyela ya 4 895, leswi swi endle leswaku va fambisa tidyondzo ta Bibele ta 711. Hi ri langutele hi mahlo-ngati tsima ra nsimu leyi nga aviwangiki leri nga ta va kona hi 2011.