Switiviso

◼ Minkandziyiso leyi nga ta fambisiwa hi February: Xihundla Xa Ntsako eNdyangwini. March: Xana Bibele Yi Dyondzisa Yini Hakunene? April na May: Timagazini ta Xihondzo xo Rindza ni Xalamuka!

◼ Nkulumo yo hlawuleka ya le rivaleni leyi fambisanaka ni nkarhi wa Xitsundzuxo xa 2011, yi ta va ni nhloko-mhaka leyi nge “Xana Milawu Ya Bibele Yi Nga Hi Pfuna Leswaku Hi Langutana Ni Swiphiqo Swa Hina Namuntlha?”

◼ Hi Sonto, April 17, ku nga siku ra Xitsundzuxo, a ku na minhlangano yin’wana leyi faneleke yi khomiwa handle ka nhlangano wa ntirho wa nsimu ntsena. Mavandlha lawa hi ntolovelo ma khomaka minhlangano ya wona hi siku leri, ma fanele ma yi khoma hi siku rin’wana. Mavandlha lama tirhisaka Holo yin’we ya Mfumo naswona ma nga ta ka ma nga swi koti ku khoma minhlangano leyi hi siku rin’wana, ma nga ha yi tshika. Loko swi ri tano, mindyangu yi khutaziwa leswaku yi tidyondzela Xihondzo xo Rindza hi nkarhi wa Vugandzeri bya Ndyangu bya nimadyambu.

◼ Vakulu va fanele va endla malunghiselelo ya vona yo hetelela ya tsima ra nsimu leyi nga aviwangiki leyi nga ta va hi March, April na May, 2011. Hi kombela mi tiyiseka leswaku vandlha ra n’wina ri ni minkandziyiso leyi eneleke naswona ri tivisiwa ka ha ri ni nkarhi malunghana ni masiku lawa ku nga ta yiwa ha wona, ndhawu leyi ku nga ta yiwa eka yona, ndhawu leyi ku nga ta etleriwa eka yona ni malunghiselelo ya swo famba. Mavandlha lama nga yiki ensin’wini leyi nga aviwangiki ma fanele ma tirha nsimu leyi ma nga yi tirhiki nkarhi na nkarhi.