Switiviso

◼ Minkandziyiso leyi nga ta fambisiwa hi April na May: Timagazini ta Xihondzo xo Rindza ni Xalamuka! June: Xana Bibele Yi Dyondzisa Yini Hakunene? July na August: Broxara leyi nge U Nga Va Munghana Wa Xikwembu! ni leyi nge Gondzo Leri Yaka eVuton’wini Lebyi Nga Heriki—Xana Se U Ri Kumile? kumbe broxara yin’wana ni yin’wana leyi vandlha ri nga na yona exitokweni.

◼ Ku sukela hi May, mavandlha hinkwawo ma fanele ma tirhisa Mugqivela wo sungula n’hweti na n’hweti leswaku ma tiyimisela ku sungula tidyondzo ta Bibele. Xihloko lexi nge “Dyondza Eka Rito Ra Xikwembu” lexi nga eka Xihondzo xo Rindza xi endleriwe ku pfuna vahuweleri leswaku va endla tano. Tluka ro hetelela ra nkandziyiso wun’wana ni wun’wana wa Vutirheli Bya Hina Bya Mfumo ri ta va ni swingheniso swa n’hweti leyi landzelaka leswi hi nga swi tirhisaka, ku katsa ni xiringanyeto xo sungula dyondzo ya Bibele hi Mugqivela wo sungula.

◼ Loko u chumayela munhu loyi a vulavulaka Xichayina, n’wi kombe laha ku nga ni Xichayina (xa Xintu) (CH) ni Xichayina (Lexi Olovisiweke) (CHS) eka xibukwana lexi nge Good News for People of All Nations leswaku u ta kota ku tiva Xichayina lexi a lavaka ku hlaya xona. Hi ntolovelo vanhu va le Hong Kong kumbe va le Taiwan va tsakela ku hlaya minkandziyiso hi Xichayina (xa Xintu) (CH), kasi lava humaka eChayina va tsakela Xichayina (Lexi Olovisiweke) (CHS). Malunghana ni minkandziyiso ya vhidiyo kumbe khasete, u fanele u xiyisisa leswaku hi rihi ririmi leri n’wini wa muti a ri vulavulaka kumbe leri a ri twisisaka ku antswa. Hi ntolovelo, vanhu lava humaka eChayina ni le Taiwan va tiva Xichayina (lexi vuriwaka Ximandarin) (CHM), loko lava humaka eHong Kong va tiva Xichayina (lexi vuriwaka Xicantonese) (CHC). Hi kombela u rhumela vuxokoxoko bya vanhu lava tsakelaka evandlheni ra le kusuhi ra Xichayina, eka ntlawa kumbe erhavini.

◼ Vakulu va tsundzuxiwa ku pfuxeta tluka ro sungula ra papila leri tsariweke siku ra May 23, 2010, leri tsaleriweke tihuvo hinkwato ta vakulu naswona va endla matshalatshala lamakulu yo rhamba vahuweleri hinkwavo lava holeke leswaku va va kona eXitsundzuxweni hi April 17.