Xiviko Xa Ntirho Wa Nsimu

Xiviko xa nsimu xa June xa matiko hinkwawo lama nga ehansi ka rhavi ra Afrika Dzonga xi andzile. Swi tsakisa swinene ku vika leswaku nhlayo ya tidyondzo ta Bibele ya andza minkarhi hinkwayo. Tiko ra Botswana leri nga ni vahuweleri va 1 976 ri vike tidyondzo ta Bibele ta 3 888 ni nhlohlorhi leyintshwa ya maphayona ya nkarhi hinkwawo ya 179. Tiko ra Lesotho leri nga ni vahuweleri va 3 721 ri vike tidyondzo ta Bibele ta 6 254. Tiko ra Namibia leri nga ni vahuweleri va 1 835 ri vike tidyondzo ta Bibele ta 3 504. Tiko ra Swaziland leri nga ni vahuweleri va 2 867 ri vike tidyondzo ta Bibele ta 4 156. Tiko ra Afrika Dzonga leri nga ni vahuweleri va 91 367 ri vike tidyondzo ta Bibele ta 124 586. Hambi ku ri exihlaleni lexitsongo xa St. Helena (lexi nga ni vaaki lava nga ehansi ka 4 000), vahuweleri va 112 va vike tidyondzo ta Bibele ta 91.