Xana U Nga Vuyeriwa Eka Nkandziyiso Lowu Olovisiweke?

Nkandziyiso wa vandlha wa Xihondzo xo Rindza se wa kumeka hi Xinghezi lexi olovisiweke. Nkandziyiso lowu wu endleriwe (1) Vahuweleri lava vulavulaka Xinghezi lava nga ta vuyeriwa eka marito lama olovisiweke, kumbexana hikwalaho ka leswi va nga dyondzekangiki ngopfu; (2) vahuweleri lava Xinghezi ku nga riki ririmi ra vona; (3) vantshwa, ku katsa ni lava ha ku sungulaka xikolo ni lava nga exikolweni xa sekondari; ni (4) swichudeni swa Bibele leswi lavaka ririmi ro olova ni leri pakanisaka leswaku swi kota ku twisisa timhaka ta moya.

Tinomboro ta tindzimana, swivutiso ni swihloko swa fana ni swa nkandziyiso lowu tolovelekeke. Mongo hi wona, kambe marito ma olovisiwile. Hambileswi mufambisi wa Dyondzo ya Xihondzo xo Rindza ni muhlayi va nga ta tirhisa nkandziyiso lowu tolovelekeke handle ka loko vayingiseri vo tala va tirhisa nkandziyiso lowu olovisiweke, lava tirhisaka nkandziyiso lowu olovisiweke va ta vona matsalwa ni swifaniso leswi fanaka naswona va ta kota ku landzelerisa loko ku hlayiwa tindzimana va tlhela va hlamula.

Un’wana ni un’wana loyi a vonaka onge u ta vuyeriwa u fanele a endla xikombelo eka mulanguteri wa timagazini.