Switiviso

◼ Minkandziyiso leyi nga ta fambisiwa hi February: Xihundla Xa Ntsako eNdyangwini March: Xana Bibele Yi Dyondzisa Yini Hakunene? April: Broxara leyi nge U Nga Va Munghana Wa Xikwembu! ni leyi nge Gondzo Leri Yaka eVuton’wini Lebyi Nga Heriki—Xana Se U Ri Kumile? kumbe broxara yin’wana ni yin’wana leyi vandlha ri nga na yona exitokweni. May: Xihondzo xo Rindza ni Xalamuka!

◼ Nkulumo yo hlawuleka yi ta nyikeriwa hi mahelo-vhiki endzhaku ka Xitsundzuxo naswona yi ni nhloko-mhaka leyi nge: “Xana Makumu Ma Le Kusuhi Swinene Ku Tlula Rini Na Rini?”

◼ Loko u hlela ku endzela tiko leri nga kumekiki eka nxaxamelo wa xiviko xa lembe ra ntirho kumbe adirese ya rona yi nga kumekiki eka nxaxamelo lowu nga eka tluka ro hetelela ra Buku Ya Lembe ya sweswinyana, hi kombela u fonela rhavi leswaku ri lemuka nkongomiso wo hlawuleka lowu lavaka ku landzeriwa. Swi nga ha endleka ntirho wa Mfumo endhawini yoleyo wu vekeriwe swipimelo swo karhi. (Mat. 10:16) Ematikweni man’wana a swi khutaziwi leswaku vaendzi va tihlanganisa ni timbhoni kumbe vandlha ra kwalaho. U nga ha kuma nkongomiso malunghana ni ku nyikela vumbhoni hi xitshuketa kumbe ku fambisa tibuku. Ntirhisano wa wena eka nkongomiso lowu nyikeriweke wu ta ku sirhelela wu tlhela wu sirhelela ni ntirho wa Mfumo etikweni leri u ri endzeleke.—1 Kor. 14:33, 40.

◼ Hi tsakela ku mi tivisa hi Tiholo ta Mfumo tinharhu leti nyikeriweke. Vandlha ra Eerstegeluk ni ra Madibong eLimpopo ni vandlha ra Ebony Park eMidrand ma tsakele ku nyiketeriwa ka Tiholo ta wona.