Switiviso

◼ Minkandziyiso leyi nga ta fambisiwa hi March: Xana Bibele Yi Dyondzisa Yini Hakunene? April: U Nga Va Munghana Wa Xikwembu ni leyi nge Gondzo Leri Yaka eVuton’wini Lebyi Nga Heriki—Xana Se U Ri Kumile? kumbe broxara yin’wana ni yin’wana leyi fambisiwaka ensin’wini leyi vandlha ri nga na yona exitokweni. May: Xihondzo xo Rindza ni Xalamuka! June: Xana Bibele Yi Dyondzisa Yini Hakunene?

◼ Xitsundzuxo xi ta va hi Ravumune, April 5, 2012. Loko vandlha ra n’wina ri khoma minhlangano hi Ravumune, mi fanele mi cinca mi yi khoma hi siku ro karhi evhikini loko Holo ya Mfumo yi nga ri eku tirhisiweni. Loko sweswo swi nga koteki naswona swi kavanyeta Nhlangano wa Ntirho, swiyenge leswi khumbaka vandlha ra ka n’wina swi nga ha katsiwa eka Nhlangano wa Ntirho lowu landzelaka.

◼ Vhidiyo leyi nge Young People Ask—How Can I Make Real Friends? ni leyi nge What Will I Do With My Life? ti ta kambisisiwa eka Nhlangano wa Ntirho lowu landzelaka. Loko swi fanerile, mi fanele mi endla swikombelo swa tivhidiyo leti evandlheni hi ku hatlisa.

◼ Hi tsakela ku mi tivisa leswaku Tiholo ta Mfumo ta nhungu ti nyiketeriwile eka Yehovha. Botswana: Ramotswa Central. Eastern Cape: Phakamisa. Gauteng: Klipfontein, Olievenhoutbosch Central, Tembisa West, and Wattville. Limpopo: Bela Bela Central. Mpumalanga: Oshoek. Hi lembe ra ntirho ra 2011 ku nyiketeriwe Tiholo ta Mfumo ta 1 000 ensin’wini ya hina. Vahuweleri va Mfumo lava tlulaka 83 000 ku katsa ni vanhu van’wana vo tala va tiphina hi ku hlanganyela eHolweni ya Mfumo. Ha nʼwi tlangela swinene Yehovha swinʼwe ni vatirhi vo tirhandzela lava hoxeke xandla eka ntirho lowukulu wa ku akiwa ka tiholo ku ringana malembe yo tala. Ka ha laveka Tiholo ta Mfumo leti engetelekeke, hikwalaho hi khutaza vatirhi hinkwavo vo tirhandzela leswaku va hambeta va endla ntirho lowu wo kwetsima. Nakambe ha yi tlangela minyikelo yo seketela ntirho wo Aka Tiholo ta Mfumo leyi humesiwaka emavandlheni n’hweti na n’hweti.