Xiviko Xa Ntirho Wa Nsimu

Hi n’hweti ya November vahuweleri va le Botswana va tirhe hi matimba ensin’wini. Tiko ra Botswana ri fikelele tinhlohlorhi timbirhi letintshwa, ku nga ya vahuweleri va 2 038 ni ya maphayona ya 189. Nakambe vanhu van’wana lava hi faneleke hi va khensa i vahuweleri va 114, va le xihlaleni xa St. Helena eLwandle ra le Dzongeni wa Atlantic. Ensin’wini ya vona leyitsongo leyi tirhekaka leyi nga ni vaaki va 4 000, va kote ku fambisa tidyondzo ta Bibele ta 82. Hi khutaza mavandlha hinkwawo leswaku ma rhumela swiviko swa wona erhavini ka ha ri ni nkarhi leswaku hi ta kota ku rhumela xiviko lexi heleleke eka Huvo leyi Fumaka.