Switiviso

◼ Minkandziyiso leyi nga ta fambisiwa hi August: Broxara leyi nge, U Nga Va Munghana Wa Xikwembu! ni leyi nge Gondzo Leri Yaka eVuton’wini Lebyi Nga Heriki—Xana Se U Ri Kumile? kumbe broxara yin’wana ni yin’wana leyi vandlha ri nga ha vaka na yona exitokweni. September na October: Xihondzo xo Rindza ni Xalamuka! Loko u endla maendzo yo vuyela endla xingheniso hi buku leyi nge Leswi Bibele yi swi dyondzisaka, kumbe broxara leyi nge Yingisa Xikwembu Kutani U Hanya Hi Laha Ku Nga Heriki, hi ku ya hi xilaveko xa n’wini wa muti. November: Fambisa xiphephana lexi nge, Xana Wa Swi Lava Ku Kuma Tinhlamulo Ta Swivutiso Swa Nkoka Swinene eVuton’wini? kumbe xiphephana xin’wana ni xin’wana lexi vandlha ri nga ha vaka na xona exitokweni. Loko n’wini wa muti a kombisa ku tsakela, n’wi kombe ndlela yo dyondza Bibele hi ku tirhisa buku leyi nge Leswi Bibele yi swi dyondzisaka kumbe broxara leyi nge, Yingisa Xikwembu Kutani U Hanya Hilaha Ku Nga Heriki.

◼ Ku sukela hi September, mulanguteri wa xifundzha u ta nyikela nkulumo ya le rivaleni leyi nga ni nhloko-mhaka leyi nge, “Ku Famba Ni Xikwembu Swi Tisa Mikateko Sweswi Ni Hi Laha Ku Nga Heriki.”

◼ Mavandlha ya 15 lama landzelaka ma tsakele ku nyiketela Tiholo ta wona ta Mfumo eka Yehovha. Botswana: Etsha. Eastern Cape: Holela, Jeffreys Bay, Lower Kroza, Ntilini, Ntlabane, Percy, Scenery Park. Gauteng: Soshanguve Central. KwaZulu-Natal: Wyebank. Mpumalanga: Clau-Clau, Matsulu North, Mluti na Ngodini. Limpopo: Regorogile.