Xiviko Xa Ntirho Wa Nsimu

Hi June matiko hinkwawo lama languteriwaka hi rhavi ra Afrika Dzonga ma vike nhlayo leyi engetelekeke ya vahuweleri. Nakambe mhaka leyi khutazaka hileswaku ku fambisiwe tidyondzo to tala ta Bibele naswona ha mi bumabumela hileswi mi hoxeke xandla eku endleni ka vadyondzisiwa. (Mat. 28:19, 20) Vahuweleri va 120 va le xihlaleni xa St. Helena va vike tidyondzo ta Bibele ta 65. Vahuweleri vo tshembeka lava nga voxe exihlaleni xexo va hambeta va yisa ku dzuneka eka Yehovha hi ku chumayela.—Esa. 42:12.