Switiviso
◼ Minkandziyiso leyi nga ta fambisiwa hi January na February: Broxara yin’wana ni yi n’wana ya matluka ya 32 eka leti landzelaka: Bibele—Yi Tamele Rungula Rihi?, U Nga Va Munghana Wa Xikwembu! ni leyi nge Gondzo Leri Yaka eVuton’wini Lebyi Nga Heriki—Xana Se U Ri Kumile? Loko u endla maendzo yo vuyela, ringeta ku sungula dyondzo ya Bibele hi ku tirhisa buku leyi nge Leswi Bibele Yi Swi Dyondzisaka kumbe loko swi fanerile hi ku ya hi swilaveko swa munhu, tirhisa broxara leyi nge Yingisa Xikwembu Kutani U Hanya Hilaha Ku Nga Heriki. March na April: Fambisa Xihondzo xo Rindza ni Xalamuka! Loko u endla maendzo yo vuyela, fambisa buku leyi nge Leswi Bibele Yi Swi Dyondzisaka kumbe loko swi fanerile hi ku ya hi swilaveko swa munhu, fambisa broxara leyi nge Yingisa Xikwembu Kutani U Hanya Hilaha Ku Nga Heriki, kutani u ringeta ku sungula dyondzo ya Bibele.
◼ Nhloko-mhaka ya nkulumo ya le rivaleni leyi nga ta nyikeriwa hi mulanguteri wa xifundzha eka riendzo ra vumbirhi ra lembe ra ntirho ra 2013 yi ri “Mahungu Lamanene . . . Eka Matiko Hinkwawo, Eka Tinxaka Hinkwato Ni Le Ka Tindzimi Hinkwato.”
◼ Loko vandlha ra n’wina ri kombele ku hlanganyela eka nsimu leyi nga aviwangiki ya 2013, kambe ri nga si kuma xiavelo xa nsimu eku heleni ka n’hweti ya January 2013, hi kombela mi tivisa rhavi hi ku hatlisa.