Mfuxeto Wa Xikolo Xa Vutirheli Bya Le Tilweni

Swivutiso leswi landzelaka swi ta katsakanyiwa eka Xikolo Xa Vutirheli Bya Le Tilweni hi vhiki leri sungulaka hi February 25, 2013. Ku katsiwe ni masiku lawa yinhla ha yin’we yi nga ta tlhuvutsiwa ha wona leswaku u ta kota ku endla ndzavisiso loko u ri karhi u lunghiselela xikolo vhiki ni vhiki.

1. Ha yini Yesu a vule leswaku va tsaka “lava kololaka”? (Mat. 5:4) [Jan. 7, w09 2/15 tl. 6 ndzim. 6]

2. Xana Yesu a a vula yini exikhongelweni lexi a xi dyondziseke vadyondzisiwa vakwe loko a ku: “U nga hi nghenisi endzingweni”? (Mat. 6:13) [Jan. 7, w04 2/1 tl. 16 ndzim. 13]

3. Ha yini Yesu a vule leswaku vadyondzisiwa vakwe a va nge yi hlanganisa miti ya vona hinkwayo hi ku chumayela ‘N’wana wa munhu a nga si fika’? (Mat. 10:23) [Jan. 14, w10 9/15 tl. 10 ndzim. 12; w87 8/1 tl. 8 ndzim. 6]

4. Hi swihi swilo swimbirhi leswi xifaniso xa Yesu xa ndzoho ya sinapi xi swi kandziyisaka? (Mat. 13:31, 32) [Jan. 21, w08 7/15 matl. 17-18 tindzim. 3-8]

5. Hi yihi dyondzo leyi Yesu a yi dyondzisa loko a ku: “Loko mi nga hundzuluki mi kotisa vana lavatsongo, a mi nge ngheni nikatsongo emfun’weni wa matilo”? (Mat. 18:3) [Jan. 28, w07 2/1 matl. 9-10 tindzim. 3-4]

6. Marito ya Yesu lama nge “wena hi wexe u swi vurile” ma vula yini? (Mat. 26:63, 64) [Feb. 11, w11 6/1 tl. 18]

7. Ha yini Yesu a vitaniwa “Hosi ya yona savata”? (Mar. 2:28) [Feb. 18, w08 2/15 tl. 28 ndzim. 7]

8. Ha yini Yesu a hlamule mana wakwe ni vamakwavo wakwe hi laha a endleke ha kona naswona leswi swi hi dyondzisa yini? (Mar. 3:31-35) [Feb. 18, w08 2/15 tl. 29 ndzim. 5]

9. Hilaha swi tsariweke ha kona eka Marka 8:22-25, ha yini Yesu a tirhise tindlela timbirhi ku tshungula wanuna wo fe mahlo? [Feb. 25, w00 2/15 tl. 17 ndzim. 7]

10. Hi dyondza yini eka ndlela leyi Yesu a anguleke ha yona loko a tshinya Petro eka Marka 8:32-34? [Feb. 25, w08 2/15 tl. 29 ndzim. 6]