Xiviko Xa Ntirho Wa Nsimu

Ntirho wo chumayela wu endla nhluvuko etindhawini ta tintshava ta le Lesotho. Ku sukela hi September 2012, ku khuvuriwe vahuweleri va 126. Hi December, vahuweleri va 3 900 va vike ntirho wa vona wa nsimu, leswi swi yimela ku andza hi 7 wa tiphesente eka avhareji ya lembe leri hundzeke. Va fambise tidyondzo ta Bibele ta 6 347, leswi kombisaka leswaku nsimu yi lunghekele ku tshoveriwa. Hi tsaka ni vamakwerhu va hina va le Lesotho hikwalaho ka leswi vanhu vo tala va timbilu letinene va tlhandlukelaka entshaveni ya Yehovha ya vugandzeri bya ntiyiso.—Esa. 2:1-4.