Mpfuxeto Wa Xikolo Xa Vutirheli Bya Le Tilweni

Swivutiso leswi landzelaka swi ta tlhuvutsiwa eka Xikolo Xa Vutirheli Bya Le Tilweni hi vhiki leri sungulaka hi August 26, 2013. Ku katsiwe ni masiku lawa yinhla ha yin’we yi nga ta kambisisiwa ha wona leswaku u ta kota ku endla ndzavisiso loko u ri karhi u lunghiselela xikolo vhiki ni vhiki.

1. Xana hi yihi dyondzo ya nkoka leyi hi yi dyondzaka eka ndlela leyi Hosi Heroda a amukeleke ku vangamisiwa hi vanhu? (Mint. 12:21-23) [July 1, w08 5/15 tl. 32 ndzim. 7]

2. Xana vantshwa lava nga Vakreste va vuyeriwa njhani hi ku dyondza ni ku landzela xikombiso xa Timotiya? (Mint. 16:1, 2) [July 8, w08 5/15 tl. 32 ndzim. 10]

3. Akhwila na Prisila va n’wi pfune njhani Apolosi hi rirhandzu, endzhaku ka loko va n’wi twe a “vulavula hi vurhena” esinagogeni le Efesa? (Mint. 18:24-26) [July 15, w10 6/15 tl. 11 ndzim. 4]

4. I xisekelo xihi xa le Matsalweni lexi nga kona lexi endlaka Timbhoni ta Yehovha ti tirhisa tihuvo ta tiko leswaku ti sirhelela mfanelo ya tona ya ku chumayela? (Mint. 25:10-12) [July 22, bt tl. 198 ndzim. 6]

5. Muapostola Pawulo u hambete a tikuma njhani tindlela to chumayela hambiloko a ri ekhotsweni le Rhoma, naswona malandza ya Yehovha namuntlha ma xi landzela njhani xikombiso xa yena? (Mint. 28:17, 23, 30, 31) [July 29, bt matl. 215-217 tindzim. 19-23]

6. Ha yini Bibele yi vula leswaku vusodoma i xiendlo lexi nga riki xa ntumbuluko ni ndzhukano? (Rhom. 1:26, 27) [Aug. 5, g 1/12 tl. 28 ndzim. 7]

7. Xana “nkutsulo lowu hakeriweke hi Kreste Yesu” hi 33 C.E. wu nga swi funengeta njhani “swidyoho leswi humeleleke enkarhini lowu hundzeke” wu nga si nyikeriwa? (Rhom. 3:24, 25) [Aug. 5, w08 6/15 tl. 29 ndzim. 6]

8. Hi rihi lunghiselelo ra rirhandzu leri Yehovha a hi lunghiseleleke rona loko hi langutane ni swiyimo swo tika swinene naswona hi nga swi tiviki leswi hi faneleke hi swi khongelela? (Rhom. 8:26, 27) [Aug. 12, w08 6/15 tl. 30 ndzim. 10]

9. Xiga lexi nge “landzela ndlela ya malwandla” xi vula yini? (Rhom. 12:13) [Aug. 19, w09 10/15 matl. 5-6 tindzim. 12-13]

10. Hi nga n’wi ‘ambala njhani Hosi Yesu Kreste’ tanihi laha muapostola Pawulo a khutazaka hakona? (Rhom. 13:14) [Aug. 26, w05 1/1 matl. 11-12 tindzim. 20-22]