Switiviso

◼ Minkandziyiso leyi nga ta fambisiwa hi December: Ku ta fambisiwa buku leyi nge, Xana Bibele Yi Dyondzisa Yini Hakunene? kumbe xiphephana lexi nge, Xana Wa Swi Lava Ku Kuma Tinhlamulo Ta Swivutiso Swa Nkoka Swinene eVuton’wini? Loko munhu a kombisa ku tsakela, ringeta ku sungula dyondzo ya Bibele hi ku tirhisa buku leyi nge, Leswi Bibele Yi Swi Dyondzisaka kumbe broxara leyi nge, Mahungu Lamanene Lama Humaka Eka Xikwembu! January na February 2014: Ku ta fambisiwa broxara leyi nge, Mahungu Lamanene Lama Humaka Eka Xikwembu! kumbe broxara yin’wana ni yin’wana leyi fambisiwaka ensin’wini leyi vandlha ri nga na yona exitokweni. Loko u endla maendzo yo vuyela, tirhisa buku leyi nge, Leswi Bibele Yi Swi Dyondzisaka, kumbe hi ku ya hi swilaveko swa munhu u nga fambisa yin’wana ya tibroxara eka leti nge, Mahungu Lamanene Lama Humaka Eka Xikwembu! kumbe leyi nge, Yingisa Xikwembu Kutani U Hanya Hilaha Ku Nga Heriki ivi u ringeta ku sungula dyondzo ya Bibele. March na April 2014: Fambisani Xihondzo xo Rindza ni Xalamuka! Loko u endla maendzo yo vuyela, tirhisa buku leyi nge, Leswi Bibele Yi Swi Dyondzisaka, kumbe hi ku ya hi swilaveko swa munhu u nga fambisa yin’wana ya tibroxara eka leti nge, Mahungu Lamanene Lama Humaka Eka Xikwembu! kumbe leyi nge, Yingisa Xikwembu Kutani U Hanya Hilaha Ku Nga Heriki ivi u ringeta ku sungula dyondzo ya Bibele.

◼ Xitsundzuxo xa 2015 xi ta va hi Ravuntlhanu, April 3, 2015.

◼ Hi tsakela ku mi tivisa leswaku mavandlha mambirhi ma nyiketele Tiholo ta wona ta Mfumo letintshwa. Limpopo: Bakenberg. Mpumalanga: Nu-Ermelo.

◼ Tsima ra nsimu leyi nga aviwangiki ra 2014 ri ta va hi March, April na May. Vakulu va fanele va tiyiseka leswaku malunghiselelo hinkwawo ma endliwa ka ha ri ni nkarhi ni leswaku vahuweleri va tiva lomu va nga ta yi tirha kona nsimu leyi nga aviwangiki ni leswaku va ta tirha rini.

◼ Vatswari va khutaziwa ku tirhisa swiringanyeto leswi nga eka Vutirheli Bya Hina Bya Mfumo bya July 2013, eka tluka 4 eka vugandzeri bya ndyangu bya nimadyambu leswaku vana va vona va ta lunghekela swiphiqo leswi va nga ta hlangana na swona exikolweni lembe leri taka.