Switiviso

◼ Minkandziyiso leyi nga ta fambisiwa hi January na February 2014: Ku ta fambisiwa broxara leyi nge Mahungu Lamanene Lama Humaka Eka Xikwembu! kumbe broxara yin’wana ni yin’wana leyi fambisiwaka ensin’wini leyi vandlha ri nga ha vaka na yona exitokweni. March na April 2014: Fambisani Xihondzo xo Rindza ni Xalamuka!

◼ Loko u ri ni swifaniso leswi kombisaka matimu ya ntirho wa hina Timbhoni ta Yehovha, hi kombela u swi rhumela erhavini. Rhavi ri ta swi kopa kutani ri swi vuyisela eka wena. Swifaniso swa matimu swi laveriwa ku va swi hoxiwa eka swihloko leswi vaka kona eka timagazini ta hina, swo tanihi lexi nge “Tolo A Nga Ha Vuyi.” Hi kombela u hi nyika siku (kumbe lembe) leri xifaniso xi tekiweke ha rona u tlhela u hi hlamusela ni munhu un’wana ni un’wana loyi a vonakaka kahle eka xona. Xifaniso xa kona xi nga ha va xi ri xa muhuweleri loyi a nga entirhweni wa nsimu, a endlaka xiavelo xo karhi eminhlanganweni ya vandlha kumbe entsombanweni kumbe xi ri xa vamakwerhu lava khotsiweke hikwalaho ka vutshembeki bya vona.