Switiviso

◼ Minkandziyiso leyi nga ta fambisiwa hi December: Buku leyi nge, Xana Bibele Yi Dyondzisa Yini Hakunene? kumbe swiphephana leswi vandlha ri nga na swona. Mavandlha lama nga ni swiphephana swa khale ma fanele ma ringeta ku swi fambisa, ma nga swi hlayisi. January na February: Ku nga fambisiwa tibroxara leti landzelaka ta matluka ya 32: Mahungu Lamanene Lama Humaka Eka Xikwembu!, Yingisa Xikwembu Kutani U Hanya Hilaha Ku Nga Heriki, Gondzo Leri Yaka eVuton’wini Lebyi Nga Heriki—Xana Se U Ri Kumile? March na April: Timagazini ta Xihondzo xo Rindza ni Xalamuka!

◼ Xitsundzuxo xa 2016 xi ta va hi Ravunharhu, March 23, 2016.

◼ Ku sukela hi January 1, 2015, lunghiselelo ra leswaku mavandlha ma tirhisa Mugqivela wo sungula wa n’hweti yin’wana ni yin’wana leswaku ma sungula tidyondzo ta Bibele a ri nge he vi kona. Kambe, vahuweleri va nga ha fambisa timagazini hilaha va endlaka hakona hi Migqivela yin’wana. Hi nga ha kombela tidyondzo ta Bibele nkarhi wihi ni wihi en’hwetini hi tirhisa timagazini kumbe minkandziyiso yin’wana leyi tirhiseriwaka ku fambisa dyondzo.