Xiviko Xa Ntirho Wa Nsimu

Hi n’hweti ya July ku nyikeriwe vumbhoni lebyikulu ensin’wini hinkwayo leyi languteriwaka hi rhavi ra hina. A swi kanakanisi leswaku sweswo hi swona swi endleke leswaku August yi va n’hweti leyi ku tirhiweke kahle swinene hilaha swiviko swi kombiseke leswaku vamakwerhu va swi tsakele swinene ku fambisa xiphephana lexi vulavulaka hi Website ya JW. Hi July ku ve ni ku andza ka vahuweleri ematikweni hinkwawo lama languteriwaka hi rhavi ra hina ngopfu-ngopfu eSwaziland laha ku veke ni ku andza hi khume ra tiphesente kasi eAfrika Dzonga ku ve ni ku andza hi 11 wa tiphesente. Ha tiyiseka leswaku loko vahuweleri hinkwavo vo ya ensin’wini nkarhi na nkarhi, va tlhela va hatla va fambisa swiviko swa ntirho wa vona wa nsimu, hi nga hatla hi va ni vahuweleri vo tlula 100 000 eAfrika Dzonga. Yanani emahlweni mi va ni swo tala swo swi endla entirhweni wa Yehovha.—1 Kor. 15:58.