Xiviko Xa Ntirho Wa Nsimu

Ntirho wo chumayela hi Mfumo wu ya emahlweni wu kula eBotswana ni le Lesotho. Hi February, eBotswana ku vike vahuweleri va 2 182. Va fambise tidyondzo ta Bibele ta 4 649, va tlhela va endla maendzo yo vuyela ya 18 285 eka vanhu lava tsakelaka. Le Lesotho, ku vike vahuweleri va 4 124, va fambisa tidyondzo ta Bibele ta 6 789 naswona va endla maendzo yo vuyela ya 23 238! Ni matiko man’wana lama languteriwaka hi rhavi ra Afrika Dzonga ma endle ntirho lowunene. Yanani emahlweni mi tirhela Yehovha hi ku hiseka, “mi ri karhi mi tiva leswaku ntirho wa n’wina a hi wa hava eHosini.”—1 Kor. 15:58.