Tindlela Tinharhu Leti Nga Hi Pfunaka Hi Titshega Hi Yehovha

Davhida u kote ku hlula Goliyadi hileswi a a titshege hi Yehovha. (1Sa 17:45) Yehovha u lava ku kombisa matimba yakwe hi ku lwela malandza yakwe. (2Tk 16:9) Hi nga titshega njhani hi mpfuno lowu Yehovha a hi nyikaka wona, ku ri ni ku titshega hi ntokoto kumbe vuswikoti bya hina? Hi leti tindlela tinharhu:

• Khongela nkarhi ni nkarhi. U nga khongeleli ku rivaleriwa ntsena loko u endle xihoxo kambe tlhela u kombela matimba loko u ringeka ku endla nchumu lowu nga riki wunene. (Mt 6:12, 13) U nga khongeli ntsena leswaku Yehovha a katekisa swiboho leswi se u swi endleke kambe tlhela u kombela nkongomiso ni vutlharhi u nga se endla swiboho.—Yk 1:5

• Vana ni xiyimiso xa ku hlaya Bibele ni ku dyondza. Hlaya Bibele siku ni siku. (Ps 1:2) Anakanyisisa hi swikombiso swa le Bibeleni u tlhela u tirhisa leswi u swi dyondzeke. (Yk 1:23-25) Lunghiselela loko u ya ensin’wini, u nga titshegi hi ntokoto wa wena. Vuyeriwa eka tinhlengeletano ta vandla hi ku lunghiselela ka ha ri emahlweni

• Tirhisana ni nhlangano wa Yehovha. Fambisana ni nkongomiso lowuntshwa lowu humaka eka nhlangano u tlhela u hatla u wu yingisa. (Tin 9:17) Yingisa loko vakulu va nyikela ndzayo ni loko va nyika nkongomiso.—Hv 13:17

HLALELANI VHIDIYO LEYI NGE, A HI NA XIVANGELO XO CHAVA KU XANISIWA KUTANI MI HLAMULA SWIVUTISO LESWI LANDZELAKA:

• Hi kwihi ku chava loku vamakwerhu a va ri na kona?

• Va pfune hi yini leswaku va lwisana ni ku chava loku a va ri na kona?