FEBRUARY 19-25

PISALEMA 8-10

Risimu 2 Ni Xikhongelo | Marito Yo Pfula (1 min.)

LESWI HI SWI DYONDZAKA EBIBELENI

1. “Yehovha, Ndzi Ta Ku Dzunisa”!

(10 min.)

Yehovha hi lonene swinene eka hina (Ps 8:3-6; w21.08 3 ¶6)

Ha tsaka loko hi dzunisa Yehovha hi ku byela van’wana hi mitirho ya yena yo hlamarisa (Ps 9:1; w20.05 23 ¶10)

Hi tlhela hi n’wu dzunisa loko hi yimbelela swi huma embilwini (Ps 9:2; w22.04 7 ¶13)

Swifaniso: Tindlela to dzunisa Yehovha. 1. Makwerhu wa xisati la kuleke a ri karhi a chumayela loyi a n’wi hlayisaka. 2. Vamakwerhu va ri karhi va yimbelela enhlengeletanweni. 3. Xifanyetana xi yimise voko leswaku xi ta hlamula etinhlengeletanweni ta vandlha. 4. Jaha ri le ku pfuneteni ku basisa Holo ya Mfumo. 5. Makwerhu wa xisati a ri karhi a chumayela xichudenikuloni

TIVUTISE, ‘Ndzi nga dzunisa Yehovha hi tindlela tihi tin’wana?’

2. Endla Ndzavisiso

(10 min.)

Ps 8:3—Mupisalema a kombetela eka yini loko a ku tintiho ta Xikwembu? (it-1-E 832)

Nhlamulo ya wena
I yini leswi u swi dyondzeke eka ku hlaya ka Bibele ka vhiki leri leswi u nga tsakelaka ku hi byela swona?

Nhlamulo ya wena

3. Ku Hlayiwa Ka Bibele

(4 min.) Ps 10: 1-18 (th dyondzo 11)

NDZETELO WA NTIRHO WO CHUMAYELA

4. Ku sungula Mabulo

(3 min.) YINDLU NI YINDLU. N’wini wa muti u ku byela leswaku a nga pfumeli eka Xikwembu. (lmd dyondzo 5 yinhla 4)

5. Ku Landzelerisa

(4 min.) KU CHUMAYELA HI XITSHUKETA. Munhu loyi u bulaka na yena, enkarhini lowu nga hundza u ku byele leswaku a nga pfumeli eka Xikwembu, kambe u tiyimiserile ku kambisisa vumbhoni lebyi kombisaka leswaku ku ni Muvumbi. (th dyondzo 7)

6. Mbulavulo

(5 min.) w21.06 6-7 ¶15-18—Nhlokomhaka: Pfuna Swichudeni Swa Wena Leswaku Swi Dzunisa Yehovha. (th dyondzo 10)

MAHANYELO YA VAKRESTE

Risimu 10

7. Ndlela Yo Chumayela Hi Xitshuketa Hi Ndlela Ya Ntumbuluko

(10 min.) Bulo ni vayingiseri.

Ndlela yin’wana yo dzunisa Yehovha hilaha ku engetelekeke i ku chumayela vanhu lava hi hlanganaka na vona loko hi endla mitirho ya siku ni siku. (Ps 35:28) Loko hi sungula ku chumayela hi xitshuketa hi nga ha chuha. Hambiswiritano loko hi dyondza ndlela leyi hi nga swi endlaka hayona ni ku ya emahlweni hi sungula mabulo hi ndlela ya ntumbuluko hi ta va ni vuswikoti nakambe hi ta tiphina loko hi chumayela.

Xifaniso xa le ka vhidiyo leyi nge “Tshamani Mi Lunghekele Ku Chumayela ’Mahungu Lamanene Ya Ku Rhula’—Chumayela Hi Xitshuketa.“ Makwerhu wa xisati u sungula mabulo ni wansati loyi a tshameke etlhelo ka yena erestaurant.

Tlanga VHIDIYO leyi nge Tshamani Mi Lunghekele Ku Chumayela “Mahungu Lamanene Ya Ku Rhula”—Chumayela Hi Xitshuketa. Kutani u vutisa vayingiseri xivutiso lexi:

Xana u dyondze yini eka vhidiyo leyi leswi nga ku pfunaka leswaku u va mudyondzisi lonene loko swi ta emhakeni ya ku chumayela hi xitshuketa?

Nhlamulo ya wena

Hi leswi swiringanyeto leswi nga ku pfunaka leswaku u sungula:

Lava tindlela to sungula mabulo nkarhi hinkwawo loko u huma ekaya ra wena. Khongela hi mhaka leyi naswona kombela Yehovha leswaku a ku kongomisa eka munhu loyi a tsakelaka.
Vana ni xinghana naswona khathala hi munhu un’wana ni un’wana loyi u hlanganaka na yena. Ringeta ku dyondza swin’wana hi munhu loyi u bulaka na yena, leswi swi ta ku pfuna u tiva rungula ra le Bibeleni leri nga n’wi khumbaka mbilu.
Loko swi koteka, lava ndlela yo kombela nomboro ya yena ya riqingho
U nga khunguvanyeki loko bulo ra n’wina ri hela u nga se chumayela
U nga n’wi rivali munhu loyi u buleke na yena loko mi heta ku burisana. Yana emahlweni u kombisa ku khathala hi ku n’wi rhumela linki ya tsalwa ra Bibele kumbe nhlokomhaka yo karhi eka jw.org

Ringeta leswi: Loko un’wana a ku vutisa leswaku mahelovhiki ya wena ma fambe njhani, n’wi byele hi leswi u swi dyondzeke etinhlengeletanweni ta vandlha kumbe u n’wi byela hi ntirho lowu u wu endlaka tanihi mudyondzisi wa Bibele.