OCTOBER 28–NOVEMBER 3

LESWI HI SWI DYONDZAKA EBIBELENI

1. Wa Tsundzuka “Leswaku Hi Ntshuri”

(10 min.)

Ntwelavusiwana wa Yehovha wu n’wi susumeta leswaku a hi anakanyela (Ps 103:8; w23.07 21 ¶5)

A nga heli mbilu loko hi endla swihoxo (Ps 103:9, 10; w23.09 6-7 ¶16-18)

A nga langutelanga leswaku hi endla leswi hi nga kotiki ku swi endla (Ps 103:14; w23.05 26 ¶2)

Wanuna a ri karhi a yingiserisisa loko nsati wakwe a tiphofula.

TIVUTISE, ‘Xana ndlela leyi ndzi khomaka nkatanga hayona yi kombisa leswaku ndzi tekelela ku anakanyela ka Yehovha?’

2. Endla Ndzavisiso

(10 min.)

Ps 104:24—Xana ndzimana leyi yi hi dyondzisa yini hi matimba ya Yehovha yo tumbuluxa? (cl 65 ¶18)

Nhlamulo ya wena
I yini leswi u swi dyondzeke eka ku hlaya ka Bibele ka vhiki leri leswi u nga tsakelaka ku hi byela swona?

Nhlamulo ya wena

3. Ku Hlayiwa Ka Bibele

(4 min.) Ps 104:1-24 (th dyondzo 11)

NDZETELO WA NTIRHO WO CHUMAYELA

4. Ku Sungula Mabulo

(3 min.) KU CHUMAYELA ETINDHAWINI TA MANI NA MANI. (lmd dyondzo 3 yinhla 4)

5. Ku Landzelerisa

(4 min.) YINDLU NI YINDLU. Bulani hi vhidiyo leyi nge Ha Ku Amukela Eka Dyondzo Ya Wena Ya Bibele ni munhu loyi a amukeleke dyondzo ya Bibele. (th dyondzo 9)

6. Mbulavulo

(5 min.) lmd xiengetelo A yinhla 6—Nhlokomhaka: Wanuna U Fanele A “Rhandza Nsati Wakwe Hilaha A Tirhandzaka Hakona.” (th dyondzo 1)

MAHANYELO YA VAKRESTE

7. Xana Wa Swi Tiva Leswi U Tsandzekaka Ku Swi Fikelela?

(15 min.) Bulo ni vayingiseri.

Loko hi tirhela Yehovha hi matimba ya hina hinkwawo wa tsaka, na hina ha tsaka. (Ps 73:28) Hambiswiritano, ku ringeta ku endla hinkwaswo leswi hi nga swi kotaka handle ko xiya leswi hi nga kotiki ku swi endla hi nga tivangela ku vilela swi nga fanelanga ni ku tlhela hi hela matimba.

Makwerhu wa xisati wa muntshwa loyi a nga eka vhidiyo leyi nge, “Hi Nga Endla Swo Tala Loko Hi Va Ni Langutelo Lerinene Hi Leswi Hi Swi Languteleke.”

Tlanga VHIDIYO Hi Nga Endla Swo Tala Loko Hi Va Ni Langutelo Lerinene Hi Leswi Hi Swi Languteleke. Kutani u vutisa vayingiseri swivutiso leswi:

Xana Yehovha u langutele yini eka hina? (Mik. 6:8)

Nhlamulo ya wena

Xifaniso xa le ka vhidiyo leyi nge, “Hi Nga Endla Swo Tala Loko Hi Va Ni Langutelo Lerinene Hi Leswi Hi Swi Languteleke.” Makwerhu wa xisati wa muntshwa ni munghana wakwe va khutaza xidyondzo xa Bibele erestaurant.

I yini lexi pfuneke makwerhu la ha riki muntshwa leswaku a hunguta ku vileli hi leswi a navelaka ku swi fikelela?

Nhlamulo ya wena

HI NGA SWI VONA NJHANI LOKO HI HLULEKA KU ENDLA SWO KARHI?

Papalata ku tiringanisa ni van’wana. (Ga 6:4) U nga pfumeleli leswi van’wana va swi endlaka swi lawula ndlela leyi u endlaka swilo hayona kumbe swi ku endla u ehleketa leswaku u ta swi kota. U nga kota ku endla swo tala kumbe leswitsongo eka leswi endliwaka hi ntangha ya wena kumbe munhu loyi a humaka endyangwini lowu nga eka xiyimo xo fana ni xa wena.
U nga pfumeleli ku chava ku ku sivela ku endla swilo leswintshwa. (Rhm 12:1; 1Ko 7:31) U nga chavi ku endla ntirho wo karhi lowu swi vonakaka onge u nge wu koti kumbe wu nge ku tsakisi. —Mlk 3:10
Hlawula xo karhi lexi u nga xi endlaka ivi u tivekela nkarhinyana wo va u xi fikelela. Hi xikombiso, xana u nga byi kota vuphayona bya nkarhi hinkwawo? Swi nga va njhani u tivekela tin’hwetinyana u ringeta ku andzisa nkarhi wa wena entirhweni wa nsimu kumbe u ringeta vuphayona bya nkarhinyana? Xana u nga byi ringeta vuphayona bya nkarhi hinkwawo ku ringana lembe? Hambiloko u vona onge a wu nge swi koti ku teka vuphayona bya nkarhi hinkwawo kumbe ku phayona ku tlula lembe, u nge tisoli hi leswi u nga ta va u kote ku swi fikelela hi nkarhinyana wolowo.—Ekl 6:9
Tiyimisele ku fambisana ni swiyimo. Swiyimo swa hina swa cinca naswona swi tano ni hi vuswikoti bya hina. Hikwalaho, nkarhi ni nkarhi tikambele loko u swi kota ku swi fikelela

8. Dyondzo Ya Bibele Ya Vandlha

(30 min.) bt ndz. 17 ¶8-12 ni bokisi eka tl. 137