NOVEMBER 18-24

LESWI HI SWI DYONDZAKA EBIBELENI

1. “Khensani Yehovha, Hikuva Hi Lonene”

(10 min.)

Hilaha Yehovha a poniseke Israyele hakona eBabilona, na hina u hi ponisile emisaveni ya Sathana (Ps 107:1, 2; Kol. 1:13, 14)

Ku tlangela Yehovha swi hi susumetela ku n’wi dzunisa evandlheni (Ps 107:31, 32; w07 4/15 20 ¶2)

Ku tlangela ka hina ku ya ku kula loko hi anakanyisisa hi swilo hinkwaswo leswi Yehovha a nga hi endlela swona (Ps 107:43; w15 1/15 9 ¶4)

Xifaniso: Tindlela leti hi nga dzunisaka Yehovha ha tona. 1. Vamakwerhu va xinuna ni va xisati va yimbelela etinhlengeletan’weni ta vandlha. 2. Makwerhu wa xinuna u hlamula etinhlengeletan’weni ta vandlha. 3. Vamakwerhu vambirhi va xisati va katseka eka ntirho wo chumayela hi yindlu ni yindlu.

2. Endla Ndzavisiso

(10 min.)

Ps 108:9—Xana ku fanisiwa ka Mowabu ni ‘xibya xa Xikwembu xo hlambela eka xona’ swi nga va swi yimela yini? (it-2-E 420 ¶4)

Nhlamulo ya wena
I yini leswi u swi dyondzeke eka ku hlaya ka Bibele ka vhiki leri leswi u nga tsakelaka ku hi byela swona?

Nhlamulo ya wena

3. Ku Hlayiwa Ka Bibele

(4 min.) Ps 107:1-28 (th dyondzo 5)

NDZETELO WA NTIRHO WO CHUMAYELA

4. Ku Sungula Mabulo

(3 min.) KU CHUMAYELA HI XITSHUKETA. (lmd dyondzo 1 yinhla 4)

5. Ku Landzelerisa

(4 min.) KU CHUMAYELA HI XITSHUKETA. N’wi byele hi lunghiselelo ra dyondzo ya Bibele kutani u n’wi nyika khadi ro kombela ku dyondza Bibele. (lmd dyondzo 9 yinhla 3)

6. Mbulavulo

(5 min.) ijwyp 90—Nhlokomhaka: Ndzi Nga Yi Papalata Njhani Miehleketo Yo Biha? (th dyondzo 14)

MAHANYELO YA VAKRESTE

7. Hi Khensa Yehovha Hi Ku Yimbelela

(15 min.) Bulo ni vayingiseri.

Endzhaku ka loko Yehovha a kutsule Vaisrayele lava ava karhatekile eka vuthu leri nga ni matimba ra Egipta eLwandle ro Tshwuka, vanhu va yena lava tlangelaka va n’wi yimbelelele risimu. (Eks 15:1-19) Vavanuna hi vona lava ava rhangela loko risimu lerintshwa ri yimbeleriwa. (Eks 15:21) Yesu ni Vakreste va le nkarhini lowu hundzeke na vona va yimbelelele Xikwembu tinsimu to dzunisa. (Mat 26:30; Kol. 3:16) Hi ya emahlweni hi kombisa ku tlangela Yehovha hi ku yimbelela etinhlengeletanweni ta vandlha, ta muganga ni ta xifundzha. Hi xikombiso risimu leri hi ri yimbeleleke leri nge, “Ha Ku Khensa Yehovha,” ri sungule ku yimbeleriwa etinhlengeletanweni ta vandlha ku sukela hi 1966.

Eka mindhavuko yin’wana, vavanuna swi nga va khomisa tingana ku yimbelela emahlweni ka vanhu. Van’wana va nga tshika ku yimbelela hileswi va ehleketaka leswaku ava yimbeleli kahle. Nilokoswiritano, hi fanele hi tsundzuka leswaku ku yimbelela etinhlengeletanweni ta vandlha i xiphemu xa vugandzeri bya hina. Nhlangano wa Yehovha wu tirha hi matimba leswaku wu lunghiselela tinsimu to saseka ni ku tlhela wu hlawula leti fanelekaka kahle leswaku ti yimbeleriwa eka nhlengeletano ha yin’we ya vandlha. Ntirho wa hina wu olovile—i ku yimbelela swin’we hi rirhandzu swi suka embilwini hi tlangela Tata wa hina wa le tilweni.

Tlanga VHIDIYO Ta Khale Ta Tlhavula—Nyiko Ya Risimu, Xiyenge 2. Kutani u vutisa vayingiseri swivutiso leswi:

Xiphemu xa vhidiyo leyi nge “Ta Khale Ta Tlhavula—⁠Nyiko Ya Risimu, Xiyenge 2.” Makwerhu F. W. Franz a tivisa ku humesiwa ka “Kingdom Service Song Book.”

Hi xihi xiendlakalo le xi nga rivalekiki lexi endlekeke hi 1944?

Nhlamulo ya wena

Xiphemu xa vhidiyo leyi nge “Ta Khale Ta Tlhavula—⁠Nyiko Ya Risimu, Xiyenge 2.” Na vusiku, makwerhu wa le Siberia a ri karhi a tumbeta rhekhodo ya vuyimbeleri bya vamakwerhu endzeni ka baji.

Xana vamakwerhu va le Siberia va swi kombise njhani leswaku va rhandza ku yimbelela tinsimu ta Mfumo?

Nhlamulo ya wena

Xiphemu xa vhidiyo leyi nge “Ta Khale Ta Tlhavula—⁠Nyiko Ya Risimu, Xiyenge 2.” Vamakwerhu va xinuna ni va xisati va yimbelela enhlengeletan’weni ya xifundzha, va ri karhi va kongomisiwa hi vachayi va swichayachayana hi xiviri.

Hikwalahokayini ku yimbelela swi ri swa nkoka eka Timbhoni Ta Yehovha?

Nhlamulo ya wena

8. Dyondzo Ya Bibele Ya Vandlha

(30 min.) bt ndz. 18 ¶6-15