MAY 5-11

LESWI HI SWI DYONDZAKA EBIBELENI

1. Ku Tirha Hi Matimba Swa Vuyerisa

(10 min.)

U nga tidyeli karhi hi ku hlongorisa swilo leswi nga pfuniki nchumu (Swiv 12:11)

Tirha hi matimba naswona u gingiriteka (Swiv 12:24; w16.06 30 ¶6)

U ta vuyeriwa loko u tirha hi matimba (Swiv 12:14)

Xifaniso: Makwerhu loyi a tirhaka hi ku hoxa ti phayiphi, hi hala tlhelo u endla mitirho ya Xikwembu. 1. A ri karhi a famba a khome switirho swakwe. 2. A ri karhi a tirhisa xipanere lexikulu ku lunghisa phayiphi. 3. U le tidyondzweni ni ndyangu wakwe. Yena ni n’wana wakwe wa nhwanyana va yimise mavoko leswaku va ta hlamula. 4. A ri karhi a tirhisa xiphephana leswaku a chumayela wanuna egaraji ya petirolo.

XITSUNDZUXO: Ku tirha hi matimba swi nga va leswi tsakisaka loko hi ehleketa hi ndlela leyi swi pfunaka van’wana hayona.—Mi 20:35; w15 2/1 5 ¶4-6.

2. Endla Ndzavisiso

(10 min.)

Swiv 12:16—Nsinya wa Nawu lowu nga eka ndzimana leyi wu nga n’wi pfuna njhani munhu leswaku a kota ku langutana ni maxangu? (ijwyp xihloko xa vu 95 ¶10-11)

Nhlamulo ya wena
I yini leswi u swi dyondzeke eka ku hlaya ka Bibele ka vhiki leri leswi u nga tsakelaka ku hi byela swona?

Nhlamulo ya wena

3. Ku Hlayiwa Ka Bibele

(4 min.) Swiv 12:1-20 (th dyondzo 5)

NDZETELO WA NTIRHO WO CHUMAYELA

4. Ku Sungula Mabulo

(2 min.) YINDLU NI YINDLU. (lmd dyondzo 1 yinhla 4)

5. Ku Sungula Mabulo

(3 min.) YINDLU NI YINDLU. Kombela ku dyondza na yena Bibele. (lmd dyondzo 5 yinhla 4)

6. Ku Landzelerisa

(3 min.) KU CHUMAYELA HI XITSHUKETA. Komba munhu loyi a nga ni vana website ya hina. (lmd dyondzo 9 yinhla 3)

7. Ku Hlamusela Leswi U Pfumelaka Eka Swona

(3 min.) Nkombiso. ijwfq xihloko xa vu 3—Nhlokomhaka: Xana Wa Tshemba Leswaku U Le Ka Vukhongeri Bya Ntiyiso? (lmd dyondzo 4 yinhla 3)

MAHANYELO YA VAKRESTE

8. U Nga Swi Kota Ku Langutana Ni Swiyimo Swa Timali Hi Ku Pfuniwa Hi Yehovha

(15 min.) Bulo ni vayingiseri.

Xana wa karhateka hi leswi u lavaka ntirho, u lahlekeriweke hi ntirho kumbe hi leswi u nga kumiki mali yo tala sweswi kumbe hi leswi se u kuleke? Xiyimo xa ikhonomi xa misava leyi xa tsekatseka. Hambiswiritano, Yehovha u hi tiyisekisa leswaku loko hi n’wi rhangisa evuton’wini bya hina, mikarhi hinkwayo u ta khathalela swilaveko swa hina hambiloko swiyimo swa ikhonomi swi hi tikisela.—Ps 46:1-3; 127:2; Mt 6:31-33.

Xifaniso xa le ka vhidiyo leyi nge “Yehovha A Nga Hi Tshikanga.” Makwerhu Alvarado a khome voko ra nsati wakwe loko va ri karhi va khongela ni ndyangu.

Tlanga VHIDIYO Yehovha A Nga Hi Tshikanga. Kutani u vutisa vayingiseri xivutiso lexi:

U dyondza yini eka ntokoto wa makwerhu Alvarado?

Nhlamulo ya wena

Hlaya 1 Timotiya 5:8. Kutani u vutisa vayingiseri xivutiso lexi:

Xana ndzimana leyi yi ri tiyisa njhani ripfumelo ra wena ra leswaku mikarhi hinkwayo Yehovha u ta ya emahlweni a khathalela swilaveko swa vagandzeri vakwe?

Nhlamulo ya wena

Kambisisa misinya ya milawu ya Bibele leyi landzelaka leyi nga ku pfunaka u langutana ni swiyimo swo tika swa timali:

U nga rhandzi swilo. Papalata ku tihoxa eswikweletini leswi nga bohiki.—Mt 6:22
Endla swiboho leswinene mayelana ni ntirho ni dyondzo leswi nga ta ku pfumelela ku rhangisa vuxaka bya wena na Yehovha.—Flp 1:9-11
Titsongahate u tlhela u pfumelelana ni swiyimo. Loko u nga thoriwanga, tiyimisele ku endla mitirho yin’wana hambi leyi tekeriwaka ehansi—leyi nga ta ku pfuna u kota ku khathalela swilaveko swa ndyangu wa wena.—Swiv 14:23
U nga tsonani hambiloko u nga ri na swo tala.—Hv 13:16

9. Dyondzo Ya Bibele Ya Vandlha

(30 min.) bt ndz. 26 ¶1-8 ni mabokisi eka matl. 204, 208