Ndlela Yo Tirhisa ‘Nyiko Ya Wena Ya Moya’

Hinkwerhu ha swi rhandza ku khutazana ni vamakwerhu naswona hi swi teka swi ri swa nkoka. Kambe a hi khutazani hi ku va hi va swin’we ntsena. Bibele yi hi byela leswaku ku khutazana ni ku tiyisana ripfumelo i ‘nyiko ya moya.’ (Rhom. 1:​11, 12) Xana hi nga swi endlisa ku yini sweswo?

Khutaza van’wana hileswi u swi vulaka. Hi xikombiso, loko hi ri etidyondzweni hi nga nyikela tinhlamulo leti nga vulavuriki hi hina ntsena kambe hi Yehovha, Rito rakwe ni vanhu vakwe. Kasi loko hi vulavula ni vamakwerhu, hi nga vulavula na vona hi swilo leswi khutazaka.

Khutaza van’wana hi swiendlo ni hi swiboho leswi u swi tekaka. Hi xikombiso, van’wana va hlawule ku ka va nga tshiki ntirho wa nkarhi hinkwawo hambiloko va langutane ni swiphiqo. Kasi van’wana va tshama va ri kona etinhlengeletanweni ta vandlha ta le xikarhi ka vhiki hambileswi ntirho wa vona wa ku tihanyisa wu va karharisaka kumbe va nga ni vuvabyi lebyi nga tshungulekiki.

Xana swiendlo ni marito ya wena swa va khutaza van’wana? Xana na wena wa swi xiya loko vamakwerhu va ku khutaza?