Milenge Ya Xinyenyana Xa Le Lwandle
Xana Yi Lo Endliwa?
◼Xinyenyana xa le lwandle a xi omi hi xirhami hambiloko xi yime ehenhla ka ayisi hi milenge ya xona. Xana xinyenyana lexi xi swi kotisa ku yini ku tshama xi ri karhi xi kufumela? Xin’wana lexi xi pfunaka hileswi xi nga ni fambiselo leri vuriwaka ku cincana ka ngati yo titimela ni yo hisa emirini.
Xiya: Fambiselo leri ra ku cincana ka ngati ri ni nsiha lowu fambisaka ngati yo kufumela lowu nga ekusuhi swinene ni nsiha lowu fambisaka ngati yo titimela. Loko ngati leyi hinkwayo yo khulukela tlhelo rin’we, miri wa xona wu ta kufumela switsongo. Kambe loko ngati yi khulukela ematlhelo yo hambana, miri wa xona wu ta kufumela swinene.
Ngati yo kufumela leyi yaka emilengeni ya xinyenyana lexi yi kufumeta milenge ya xona leswaku yi nga omi hi xirhami kutani ngati leyo titimela yi tlhela yi kufumetiwa. Loko Gary Ritchison loyi a nga mutivi wa swinyenyana a vulavula hi swinyenyana leswi tshamaka etindhawini to titimela, u tsarile a ku: “Fambiselo ra ku cincana ka ngati leswaku yi ya ematlhelo yo hambana ri tirha swinene naswona i ra vutshila lerova vanhu lava nga tinjhiniyara va ri tirhisile eka mintirho ya vona leswaku va nga tlangisi gezi.”
U anakanya yini? Xana fambiselo ra ku cincana ka ngati yo hisa ni yo titimela emilengeni ya xinyenyana xa le lwandle ri lo tiendlekela? Kumbe ri lo endliwa?a
[Nhlamuselo ya le hansi]
a Nakambe fambiselo ra ku cincana ka ngati yo hisa ni yo titimela ri kona eka vanhu ni le ka mixaka yin’wana ya tinhlampfi ni le ka swiharhi swin’wana swo tala.
[Dayagramu/Swifaniso leswi nga eka tluka 25]
(Leswaku u vona rungula leri hleriweke hi ku helela, vona nkandziyiso wa kona)
Fambiselo ra ku cincana ka ngati yo hisa ni yo titimela emilengeni ya xinyenyana xa le lwandle ri kufumeta ngati leyo titimela
[Dayagramu]
32°C
0-5°C
[Laha Xifaniso Xi Humaka Kona eka tluka 25]
Seagull: © Michael S. Nolan/age fotostock