I yini leswi u faneleke u swi endla?
50 Xana wa swi lava ku hanya hi masiku eParadeyisini yoleyo yo saseka?
Kutani dyondza swo tala mayelana ni leswi Xikwembu xi swi vulaka. Ringeta ku dyondza ku hlaya Bibele.—Yohane 17:3; Nhlavutelo 1:3
51 Dyondza swo tala hi ta Yesu.—Deteronoma 18:18, 19; Yohane 3:16; Mintirho 3:19-23
52 Ringeta ku endla leswinene ntsena naswona u yingisa Yehovha.—Varhoma 6:17, 18, 22
53 Tsundzuka, Yehovha u ri hi nga tshuki hi dlaya vanhu.—Eksoda 20:13; 1 Yohane 3:11, 12
54 A hi fanelanga hi yiva swilo swa vanhu van’wana.—Eksoda 20:15; Vaefesa 4:28
55 Wanuna a nga fanelanga ku hanya ni ku etlela ni wansati loko ku nga ri nsati wa yena.—Eksoda 20:14, 17; 1 Vatesalonika 4:3
56 Wa tsundzuka leswaku Xikwembu xi ri wanuna a teka vasati vangani? Wanuna u fanele ku tshama ni nsati wakwe ku fikela rini?—Genesa 2:22, 24; Matewu 19:5, 6; 1 Vakorinto 7:2, 10, 11
57 Nakambe, tsundzuka leswaku hi fanele ku gandzela Yehovha ntsena.—Matewu 4:10; 1 Vakorinto 8:6
58 Swikwembu ni swifaniso a swi nge hi pfuni nchumu. Hikwalaho ka yini?—1 Vakorinto 8:4
Xana i swinene ku va ni swifaniso?—Deteronoma 27:15; 1 Yohane 5:21
59 Hikwalaho ka yini swi bihile ku va ni timhamba ni ku tirhisa switsungulo?—Deteronoma 18:10-13; Nhlavutelo 21:8
60 Tintsumi leto biha kumbe mademona ma xandzukele Xikwembu. Ma xisa vanhu hi ku tirhisa vavhumbhi.—Mintirho 16:16
61 Hi fanele ku khongela Xikwembu. Ku khongela swi vula ku vulavula ni Xikwembu, ku xi byela leswaku hi lava ku xi tirhela ni ku kombela ku pfuniwa hi xona.—Vafilipiya 4:6, 7
62 Hi fanele ku yingisa Yesu ni ku pfumela eka yena.—Vaheveru 5:9; Yohane 3:16
63 Tsundzuka leswaku u fele leswaku a ta hi ponisa.—Varhoma 5:8
64 Tsundzuka leswaku Yesu i Hosi ya hina leyi nga vonakiki. Hi fanele ku n’wi yingisa.—Vafilipiya 2:9-11; Nhlavutelo 19:16
65 Yesu ú te u fanele ku byela van’wana swilo leswinene leswi u swi dyondzaka ni leswaku lava lavaka ku tirhela Xikwembu va fanele ku khuvuriwa.—Matewu 28:19, 20; Yohane 4:7-15
66 Kutani u nga byela vanghana va wena swilo leswi leswinene.—Matewu 10:32
67 Loko wo dyondza ku hlaya kahle, u nga dyondza swo tala naswona u nga kota ku pfuna van’wana.—2 Timotiya 2:15
68 Yesu u dyondzise ni vana lavatsongo ku yingisa Xikwembu. A nga pfumalanga nkarhi wa ku vulavula na vona.—Matewu 19:13-15
69 Vatswari va fanele nkarhi hinkwawo va dyondzisa vana va vona ku yingisa Xikwembu ni ku xi rhandza.—Deteronoma 6:6, 7; Swivuriso 6:20-22; Vaefesa 6:4
70 Ku ni tikereke to tala to hambana. Tidyondzo ta tona to tala a ti humi eBibeleni. Yehovha u hi byela leswaku hi tshika vukhongeri lebyi nga dyondzisiki ntiyiso.—Nhlavutelo 18:4; Yohane 4:23, 24
71 Yehovha u ni vanhu va yena laha misaveni lava nga ku dyondzisaka swo tala hi yena. Xana wa va tiva?—Mintirho 15:14; Varhoma 10:14, 15
72 I Timbhoni ta Yehovha. Va hanyisana hi ku rhula. Xana wa swi tiva leswaku hikwalaho ka yini? Hikuva va rhandzana.—Esaya 43:10-12; Yohane 13:34, 35
73 Nakambe hikuva va rhandza Yehovha, va khuvuriwile. Leyi i ndlela leyi va kombisaka ha yona leswaku va tshike ndlela ya vona leyo biha kutani va lava ku hanyela ku tirhela Xikwembu.—Mintirho 2:41
74 Timbhoni ta Yehovha ti langutele ku hanya eParadeyisini leyintshwa yo saseka.—Pisalema 37:9-11, 29
75 Xana u nga endla yini leswaku u ta ya hanya na vona kona?—Yakobo 1:22, 25; 2:20-26
75 Tirhela Yehovha swin’we na vona. Va rhandza Yehovha na Kreste Yesu ni ku va yingisa. Xana wa va rhandza? Xana u nga tsakela ku pfuna van’wana leswaku va tiva Xikwembu ke?—Yohane 6:45-47
76 Yehovha na Kreste Yesu va ku rhandza naswona va lava leswaku u hanya hi laha ku nga heriki eParadeyisini.—Yohane 3:16
Leswi u swi dyondzeke hi ku xiya swifaniso ni ku twa leswi nga endzeni ka xibukwana lexi entiyisweni swi endle leswakuu navela ku tiphina hi vutomi hi masiku la misaveni. Loko u lava ku dyondza swo tala mayelana ni leswi, hi ringanyeta leswaku u vulavula ni un’wana wa Timbhoni ta Yehovha endhawini ya ka n’wina. Kumbe u nga ha tsala kumbe u kombela un’wana a ku tsalelela, ehofisini ya le kusuhi na laha u tshamaka kona, leyi kombisiweke eka tluka ra vumbirhi ra xibukwana lexi.