Risimu 85

Yehovha I Vuchavelo Bya Hina

(Psalma 91:1, 2)

1. Yehovha i khokholo

Hi tiye ha yena.

Nakambe, u ni ndzhuti

Wo hi sirhelela.

U ta ku tshunxa ’ntlhan’wini

Ni le ka yona mintungu.

Yehovha i khokholo

Ro ponisa vo lulama.

2. Magidi ma ta wela

Kusuhi na wena,

U nge tshuki u dlawa

Ni ku vavisiwa.

A wu nge tshuki u chava

U nge weriwi hi khombo.

U ta ri langutisa

U ri hansi ka Yehovha.

3. Maxangu ni mintungu

Swi nge ku karhati.

Yehovha, hi tintsumi

U ta ku hlayisa.

U nge chavi xinghalana;

U ta kandziya ni nyoka.

U nge khunguvanyeki

Loko u gandzela Hosi.

4. Vulani ku lulama

Ka yena Yehovha.

Hi ku n’wi kwetsimisa

Hi ta va vo tenga.

A hi tinyiketeleni

Ka yena leswo hi pona.

Yehovha vuchavelo

Vito rakwe i khokholo.