Risimu 96

Ku Dzunisa Tata Wa Hina, Yehovha

(Yohane 17:4)

1. Yehovha ntirho wa wena

Wu khensa hi mafundza.

U endle swilo hinkwaswo,

Na swona swa ku khensa.

Tinyiko ni mikateko

Hinkwaswo wa hi nyika.

U endla ku hetiseka

Hinkwabyo vuprofeta.

Tintsumi ti fundze Yesu

A ha ku velekiwa.

U hi nyikile nkutsulo,

Yehovha ha ku khensa!

2. Hi vona ndlela ya Yesu

Yo hetisisa ntirho,

Ni ndlela yakwe yo hlula

Ni ku hundzula vanhu,

Ku kota Hosi ya wena

Ú landzelela nawu.

U endla vito ra wena

Hinkwavo va ri tiva,

Hinkwerhu, vanhu va wena

Hi vula hi ku tsaka:

‘Yehovha u ta herisa

Nhlomulo sweswinyana.’

3. A hi faneli ha yini

Ku ku yimbelelela,

Hi tinyiketa ka wena,

Ni ku tirhela wena?

Hi fundza vito ra wena,

Hi hetisisa ntirho.

Rirhandzu ni ku hiseka

Swi nga heli matimba.

Hi mbilu swin’we ni moya

Hi ta gandzela wena.

Ku fundza vito ra wena,

Hi ta tirhela swona.