Risimu 223

Vanhu Va Wena Vo Tshembeka Va Ta Ku Khensa

(Psalma 145:10)

1. Yehovha, ma ta ku khensa

Malandza yo tshembeka.

Ma vula ntirho wa wena,

Ha wona ma ku khensa.

U le henhla ngopfu,

Hina hi ta ku khensa,

Mitirho ya wena

Ya hlamarisa swinene.

Malandza layo tshembeka,

Hinkwawo ma tiphina.

Ma byela vanhu hi swilo

Leswi ma swi tivaka.

2. Yehovha u ni rixaka,

Ri tirha ku dyondzisa

Ni sweswi ra ha ri kona,

Ri landza ntila wakwe.

I nandza wa yena,

U phamela ‘tinyimpfu.’

’Tikweni ro biha,

Yesu wa ti kongomisa.

Hinkwato ta yi tlangela

Mitirho ya Xikwembu.

Yehovha, ta ku dzunisa

Ni ku ku kwetsimisa.

3. Yehovha u lulamile,

A swi kanakanisi.

U hi ponisa ha Yesu—

Hi nga sandzi vunene.

A nga heli mbilu;

Va n’wi tiva va yena.

A hi n’wi khenseni,

U rhandza hi tshama swin’we.

Yehovha wa hi tiyisa

Ni ku hi enerisa.

Kutani ha n’wi dzunisa;

Hi khensa musa wakwe.