Mahetelelo

NHLAMUSELO leyi heleleke ya tidyondzo ya vukhongeri ta Timbhoni ta Yehovha a swi nge koteki ku yi nghenisa eka broxara leyi. Ematshan’weni ya sweswo, hi ringete ku hlamusela misinya yin’wana ya milawu leyi Timbhoni ti pfumelaka eka yona ni ku kombisa kahle minkucetelo ya ndyangu leyi khumbaka xichudeni xa wena loko vatswari havambirhi va ri Timbhoni.

Timbhoni ta Yehovha ti kandziyisa ngopfu nhluvuko wa moya wa vana va tona eka timhaka tin’wana. Tidyondzo leti ti hanyaka ha tona ni misinya ya milawu leyi ti yi landzelaka ti endla endla ti hanya vutomi lebyi nga ni xingomelo ni ku ti pfuna leswaku ti langutana ni swiphiqo swa siku ni siku. Ku engetela kwalaho, tidyondzo teto ni misinya ya milawu swi fanele ku va susumetela ku ringeta ku va swichudeni leswi chivikaka ni vaaki lavanene evuton’wini.

Timbhoni ti ringeta ku languta vutomi hi ndlela leyinene, kutani ti teka dyondzo yi ya nkoka swinene. Hikwalaho va tsakela ku tirhisana na wena hi laha va nga kotaka ha kona. Loko ku ri vona, emakaya ni tindhawini ta vona ta vugandzeri emisaveni hinkwayo, va ta hambeta va khutaza vana va vona leswaku va endla xiphemu xa vona entirhwisanweni lowu tswalaka mihandzu.