Tinhloko-Mhaka To Vulavurisana Ta Bibele

1. Armagedoni

A. Nyimpi ya Xikwembu leyi nga ta herisa vubihi

Matiko ma hlengeletiwa eArmagedoni. Nhlav. 16:14, 16

Xikwembu xi lwa, xi tirhisa N’wana ni tintsumi. 2 Tes. 1:6-9; Nhlav. 19:11-16

Ndlela leyi hi nga ponaka ha yona. Sof. 2:2, 3; Nhlav. 7:14

B. A yi lwisani ni rirhandzu ra Xikwembu

Misava yi onhake ngopfu. 2 Tim. 3:1-5

Xikwembu xi lehisa mbilu, kambe vululami byi lava leswaku xi endla swo karhi. 2 Pet. 3:9, 15; Lk. 18:7, 8

Lavo biha va fanele va herisiwa leswaku ku lulama ku ta va kona. Swiv. 21:18; Nhlav. 11:18

2. Bibele

A. Rito ra Xikwembu ri huhuteriwile

Vanhu a va susumetiwa hi moya wa Xikwembu leswaku va tsala. 2 Pet. 1:20, 21

Yi tamele vuprofeta: Dan. 8:5, 6, 20-22; Lk. 21:5, 6, 20-22; Esa. 45:1-4

Bibele hinkwayo yi huhuteriwile naswona ya pfuna. 2 Tim. 3:16, 17; Rhom. 15:4

B. I nkongomiso lowu tirhaka namuntlha

Ku honisa misinya ya milawu ya Bibele swi ni khombo. Rhom. 1:28-32

Vutlharhi bya vanhu a byi ringani na yona. 1 Kor. 1:21, 25; 1 Tim. 6:20

I xitlhangu eka nala wa matimba. Ef. 6:11, 12, 17

Yi kongomisa vanhu endleleni leyinene. Ps. 119:105; 2 Pet. 1:19; Swiv. 3:5, 6

C. Yi tsaleriwe vanhu va matiko ni tinxaka hinkwato

Ku tsariwa ka Bibele ku sungule eVuxeni. Eks. 17:14; 24:12, 16; 34:27

I lunghiselelo ra Xikwembu, a hi ya Valungu ntsena. Rhom. 10:11-13; Gal. 3:28

Xikwembu xi tsakela vanhu va tinxaka hinkwato. Mint. 10:34, 35; Nhlav. 22:17; 7:9, 10

3. Diyavulosi, Mademona

A. Diyavulosi i munhu wa moya

A hi vubihi lebyi nga endzeni ka munhu kambe i munhu wa moya. 2 Tim. 2:26

Diyavulosi i munhu la fanaka ni tintsumi. Mt. 4:1, 11; Yobo 1:6

U tiendle Diyavulosi hi ku navela ko biha. Yak. 1:13-15

B. Diyavulosi i mulawuri wa misava la nga vonakiki

Misava yi le hansi ka yena tanihi xikwembu xa yona. 2 Kor. 4:4; 1 Yoh. 5:19; Nhlav. 12:9

U pfumeleriwe ku va kona ku kondza ku lulamisiwa mphikamakaneta. Eks. 9:16; Yoh. 12:31

U ta hoxiwa ekheleni, ivi a lovisiwa. Nhlav. 20:2, 3, 10

C. Mademona i tintsumi leti xandzukeke

Ti hlanganyele na Sathana emahlweni ka Ndhambhi. Gen. 6:1, 2; 1 Pet. 3:19, 20

Ti hoxiwe ekheleni, ti susiwa eku vonakaleni. 2 Pet. 2:4; Yuda 6

Ti lwisana ni Xikwembu, ti karhata vanhu. Lk. 8:27-29; Nhlav. 16:13, 14

Ti ta lovisiwa swin’we na Sathana. Mt. 25:41; Lk. 8:31; Nhlav. 20:2, 3, 10

4. Kereke

A. Kereke ya moya, yi akiwe ehenhla ka Kreste

Xikwembu a xi tshami etitempeleni leti endliweke hi munhu. Mint. 17:24, 25; 7:48

Kereke ya ntiyiso i tempele ya moya ya maribye lama hanyaka. 1 Pet. 2:5, 6

Kreste i ribye ra masungulo; vaapostola i masungulo ya vumbirhi. Ef. 2:20

Xikwembu xi fanele ku gandzeriwa hi moya ni ntiyiso. Yoh. 4:24

B. Kereke a yi akiwanga ehenhla ka Petro

Yesu a nga vulanga leswaku kereke yi akiwe ehenhla ka Petro. Mt. 16:18

Yesu u vuriwa “ribye.” 1 Kor. 10:4

Petro u vite Yesu a ku i masungulo. 1 Pet. 2:4, 6-8; Mint. 4:8-12

5. Ku Gandzela Mariya

A. Mariya i mana wa Yesu, hayi “mana wa Xikwembu”

Xikwembu a xi na masungulo. Ps. 90:2; 1 Tim. 1:17

Mariya a a ri mana wa N’wana wa Xikwembu, loko a ha ri emisaveni. Lk. 1:35

B. Mariya a nga “tshamanga a ri wanhwana”

U tekane na Yosefa. Mt. 1:19, 20, 24, 25

U ve ni vana van’wana handle ka Yesu. Mt. 13:55, 56; Lk. 8:19-21

Enkarhini wolowo a va nga ri “vamakwavo va moya.” Yoh. 7:3, 5

6. Ku Gandzela Vakokwana Lava Feke

A. Ku gandzela vakokwana lava feke a swi pfuni nchumu

Vakokwana va file, a va twi nchumu. Ekl. 9:5, 10

Vakokwana vo sungula a va faneriwi hi ku gandzeriwa. Rhom. 5:12, 14; 1 Tim. 2:14

Xikwembu a xi byi amukeri vugandzeri byebyo. Eks. 34:14; Mt. 4:10

B. Vanhu va nga xiximiwa, kambe i Xikwembu ntsena lexi faneleke ku gandzeriwa

Vana va fanele ku xixima lavakulu. 1 Tim. 5:1, 2, 17; Ef. 6:1-3

Kambe i Xikwembu ntsena lexi faneleke ku gandzeriwa. Mint. 10:25, 26; Nhlav. 22:8, 9

7. Ku Hanyisa, Tindzimi

A. Ku hanyisa ka moya ku ni vuyelo lebyi nga heriki

Ku vabya emoyeni swa lovisa. Esa. 1:4-6; 6:10; Hos. 4:6

Xileriso lexikulu i ku hanyisa emoyeni. Yoh. 6:63; Lk. 4:18

Ku susa swidyoho; ku nyika ntsako ni vutomi. Yak. 5:19, 20; Nhlav. 7:14-17

B. Mfumo wa Xikwembu wu ta tshungula miri hi laha ku heleleke

Yesu u tshungule swigono, a chumayela hi mikateko ya Mfumo. Mt. 4:23

Mfumo wu tshembisiwile tanihi ndlela ya vutshunguri lebyi heleleke. Mt. 6:10; Esa. 9:7

Rifu na rona ri ta herisiwa. 1 Kor. 15:25, 26; Nhlav. 21:4; 20:14

C. Ku hanyisa hi ripfumelo ka manguva lawa ku tikomba ku nga amukeriwi hi Xikwembu

Vadyondzisiwa a va tihanyisanga hi singita. 2 Kor. 12:7-9; 1 Tim. 5:23

Tinyiko ta masingita ti hele endzhaku ka nkarhi wa vaapostola. 1 Kor. 13:8-11

Ku hanyisa a hi vumbhoni lebyi tiyeke bya ku amukeriwa hi Xikwembu. Mt. 7:22, 23; 2 Tes. 2:9-11

D. Ku vulavula hi tindzimi a ku ri lunghiselelo ra nkarhinyana ntsena

A ku ri xikombiso; a ku fanele ku laviwa tinyiko tin’wana letikulu. 1 Kor. 14:22; 12:30, 31

Tinyiko ta masingita ta moya ku vhumbhiwe leswaku ti ta hundza. 1 Kor. 13:8-10

Mintirho yo hlamarisa a yi kombisi ku amukeriwa hi Xikwembu. Mt. 7:22, 23; 24:24

8. Ku Kunguhateriwa

A. Munhu a nga kunguhateriwanga

Xikongomelo xa Xikwembu xi tiyile. Esa. 55:11; Gen. 1:28

Vanhu va pfumeleriwe ku hlawula ku tirhela Xikwembu. Yoh. 3:16; Flp. 2:12

9. Ku Nyikela Vumbhoni

A. Vakreste hinkwavo va fanele va nyikela vumbhoni, va vula mahungu lamanene

Va fanele ku byela vanhu hi Yesu leswaku va amukeleka. Mt. 10:32

Va fanele ku va vaendli va Rito, va kombisa ripfumelo. Yak. 1:22-24; 2:24

Lavantshwa na vona va fanele va va vadyondzisi. Mt. 28:19, 20

Ku vulavula erivaleni swa ponisa. Rhom. 10:10

B. Xilaveko xa maendzo yo phindha-phindha, ku nyikela vumbhoni nkarhi hinkwawo

Xitsundzuxo xa makumu eka rixaka leri xi fanele ku nyikeriwa. Mt. 24:14, 34

Yeremiya u hete malembe yo tala a twarisa ku hela ka Yerusalema. Yer. 25:3

Ku fana ni Vakreste vo sungula, a hi nge tshiki. Mint. 4:18-20; 5:28, 29

C. Hi fanele ku vula vumbhoni leswaku hi pfumala nandzu wa ngati

Hi fanele hi tivisa makumu lama tshinelaka. Ezek. 33:7; Mt. 24:14

Ku hluleka swi tisa nandzu wa ngati. Ezek. 33:8, 9; 3:18, 19

Pawulo a a ri hava nandzu wa ngati; u vule ntiyiso lowu heleleke. Mint. 20:26, 27; 1 Kor. 9:16

Swi ponisa mbhoni ni loyi a yingisaka. 1 Tim. 4:16; 1 Kor. 9:22

10. Ku Pfuxiwa

A. I ntshembo wa vafi

Hinkwavo lava nga emasirheni va ta pfuxiwa. Yoh. 5:28, 29

Ku pfuxiwa ka Yesu i xitiyisekiso. 1 Kor. 15:20-22; Mint. 17:31

Lava dyohelaka moya a va nge pfuki. Mt. 12:31, 32

Lava kombisaka ripfumelo va ta pfuxiwa. Yoh. 11:25

B. Ku pfuxeriwa ku ya hanya etilweni kumbe emisaveni

Hinkwavo va fa hi Adamu; va kuma vutomi ha Yesu. 1 Kor. 15:20-22; Rhom. 5:19

Ku hambana ka xiyimo xa lava pfuxiwaka. 1 Kor. 15:40, 42, 44

Lava va nga na Yesu va ta fana na yena. 1 Kor. 15:49; Flp. 3:20, 21

Lava va nga fumiki va ta va emisaveni. Nhlav. 20:4b, 5, 13; 21:3, 4

11. Ku Ponisiwa

A. Ku ponisiwa ku huma eka Xikwembu hi gandzelo ra nkutsulo ra Yesu

Vutomi i nyiko ya Xikwembu hi N’wana wa xona. 1 Yoh. 4:9, 14; Rhom. 6:23

Ku ponisiwa ku kumiwa hi gandzelo ra Yesu ntsena. Mint. 4:12

Ku hava mintirho leyi nga endliwaka hi “ku hundzuka enkarhini wa ku fa.” Yak. 2:14, 26

Hi fanele hi chivirika leswaku hi ku kuma. Lk. 13:23, 24; 1 Tim. 4:10

B. Leswaku “loko u ponisiwa, u ponele makumu” a swi seketeriwi hi Matsalwa

Lava averiwaka moya lowo kwetsima va nga ha wa. Hev. 6:4, 6; 1 Kor. 9:27

Vaisrayele vo tala va lovisiwile hambi loko va ponisiwile aEgipta. Yuda 5

Ku ponisiwa a ku endleki hi ku hatlisa. Flp. 2:12; 3:12-14; Mt. 10:22

Lava tlhelelaka endzhaku va bihe ku tlula eku sunguleni. 2 Pet. 2:20, 21

C. “Ku ponisiwa ka hinkwayo” misava a ku seketeriwi hi Matsalwa

Van’wana va nge hundzuki. Hev. 6:4-6

Xikwembu a xi tsaki loko lavo biha va fa. Ezek. 33:11; 18:32

Kambe rirhandzu a ri nge byi tiyiseleli vubihi. Hev. 1:9

Lavo biha va ta lovisiwa. Hev. 10:26-29; Nhlav. 20:7-15

12. Ku Vuya Ka Kreste

A. Ku vuya kakwe a ku voniwi hi vanhu

U byele vadyondzisiwa vakwe a ku misava a yi nge he n’wi voni. Yoh. 14:19

I vadyondzisiwa ntsena lava voneke ku tlhandluka kakwe; ku vuya ku ta fana ni sweswo. Mint. 1:6, 10, 11

Etilweni, u va moya lowu nga vonakiki. 1 Tim. 6:14-16; Hev. 1:3

U vuyela ematimbeni ya Mfumo wa le tilweni. Dan. 7:13, 14; Mt. 25:31

B. Ku voniwa hi swilo swa xiviri

Vadyondzisiwa va kombele xikombiso xa vukona byakwe. Mt. 24:3

Vakreste va “vona” vukona byakwe hi ku twisisa. Ef. 1:18

Swiendlakalo swo tala swi vumba vumbhoni bya vukona byakwe. Lk. 21:10, 11, 25-32

Valala va n’wi “vona” loko ndzoviso wu va wela. Nhlav. 1:7

13. Masiku Ya Makumu

A. Leswi “ku hela ka misava” ku vulaka swona

Ku hela ka mafambiselo ya swilo. Mt. 24:3; 2 Pet. 3:5-7; Mar. 13:4

A hi ku hela ka misava, kambe i ka mafambiselo yo biha ya swilo. 1 Yoh. 2:17

Nkarhi wa makumu wu rhangela ndzoviso. Mt. 24:14, 34

Ku pona lavo lulama; ivi ku landzela Misava Leyintshwa. 2 Pet. 2:9; Nhlav. 7:14-17

B. Hi fanele hi xalamukela masiku ya makumu

Swikombiso swa Xikwembu leswi hi kongomisaka. 2 Tim. 3:1-5; 1 Tes. 5:1-4

Misava a yi swi koti ku vona nkoka wa wona. 2 Pet. 3:3, 4, 7; Mt. 24:39

Xikwembu a xi hlweli, kambe xi nyika xitsundzuxo. 2 Pet. 3:9

Ku hiteka ni ku khumbeka ha wona swi ni hakelo. Lk. 21:34-36

14. Mfumo

A. Leswi Mfumo wa Xikwembu wu nga ta swi endlela vanhu

Ku hetisisa ku rhandza ka Xikwembu. Mt. 6:9, 10; Ps. 45:6; Nhlav. 4:11

I hulumendhe leyi nga ni hosi ni milawu. Esa. 9:6, 7; 2:3; Ps. 72:1, 8

Wu ta herisa vubihi, wu fuma misava hinkwayo. Dan. 2:44; Ps. 72:8

Ku fuma ka malembe ya 1 000 ku ta kondletela vanhu ni Paradeyisi. Nhlav. 21:2-4; 20:6

B. Wu sungula ku tirha valala va Kreste va ha ri kona

Loko Kreste a pfuxiwile, u rindze nkarhi wo leha. Ps. 110:1; Hev. 10:12, 13

A sungula ku fuma, a lwa na Sathana. Ps. 110:2; Nhlav. 12:7-9; Lk. 10:18

Ku simekiwe Mfumo, ivi ku landzela makhombo ya misava. Nhlav. 12:10, 12

Maxangu lama nga kona ma vula nkarhi wo seketela Mfumo. Nhlav. 11:15-18

C. A wu kona ‘etimbilwini,’ a wu endliwi hi matshalatshala ya vanhu

Mfumo wu le tilweni, hayi emisaveni. 2 Tim. 4:18; 1 Kor. 15:50; Ps. 11:4

A wu kona ‘etimbilwini’; Yesu a byela Vafarisi. Lk. 17:20, 21

A hi xiphemu xa misava leyi. Yoh. 18:36; Lk. 4:5-8; Dan. 2:44

Wu ta siva tihulumendhe ni mahanyelo ya misava. Dan. 2:44

15. Misava

A. Xikongomelo xa Xikwembu hi misava

Paradeyisi yi endleriwe vanhu lava hetisekeke emisaveni. Gen. 1:28; 2:8-15

Xikongomelo xa Xikwembu xi tiyile. Esa. 55:11; 46:10, 11

Misava yi ta tatiwa hi vanhu vo rhula, lava hetisekeke. Ps. 72:7; Esa 9:6, 7

Paradeyisi yi ta vuyeteriwa hi Mfumo. Mt. 6:9, 10; Nhlav. 21:3-5

B. A yi nge lovisiwi kumbe ku pfumala vaaki

Misava ya xiviri yi ta tshama hi masiku. Ekl. 1:4; Ps. 104:5

Vanhu va le nkarhini wa Nowa va lovisiwile, ku nga ri misava. 2 Pet. 3:5-7; Gen. 7:23

I xikombiso lexi nyikaka ntshembo wa ku pona enkarhini wa hina. Mt. 24:34, 37-39

Lavo biha va ta lovisiwa; “ntshungu lowukulu” wu ta pona. 2 Tes. 1:6-9; Nhlav. 7:9, 14

16. Moya, Vungoma

A. Leswi moya lowo kwetsima wu nga swona

I matimba ya Xikwembu lama tirhaka, hayi munhu. Mint. 2:2, 3, 33; Yoh. 14:17

Wu tirhisiwe ku tumbuluxa ni ku huhutela Bibele, ni swin’wana. Gen. 1:2; Ezek. 11:5

Wu humesa swirho swa Kreste ni ku swi tota. Yoh. 3:5-8; 2 Kor. 1:21, 22

Wu tiyisa ni ku kongomisa vanhu va Xikwembu namuntlha. Gal. 5:16, 18

B. Matimba ya vutomi ma vitaniwa moya

Xisekelo xa vutomi, lexi tiyisiwaka hi ku hefemula. Yak. 2:26; Yobo 27:3

Ntamu wa matimba ya vutomi wu le ka Xikwembu. Zak. 12:1; Ekl. 8:8

Matimba ya vutomi ya vanhu, swiharhi, ma le ka Xikwembu. Ekl. 3:19-21

Moya wu ya eka Xikwembu hi ntshembo wa leswaku ku ni ku pfuka ka vafi. Lk. 23:46

C. Vungoma byi fanele ku cukumetiwa tanihi ntirho wa mademona

Rito ra Xikwembu ra byi alela. Esa. 8:19, 20; Levh. 19:31; 20:6, 27

Ku vhumbha i vudemona; a swi amukeleki. Mint. 16:16-18

Byi yisa eku lovisiweni. Gal. 5:19-21; Nhlav. 21:8; 22:15

Vungoma bya tinyeleti byi yirisiwile. Det. 18:10-12; Yer. 10:2

17. Moya-xiviri

A. Leswi moya-xiviri wu nga swona

Munhu i moya-xiviri. Gen. 2:7; 1 Kor. 15:45; Yox. 11:11; Mint. 27:37

Swiharhi na swona swi vitaniwa mimoya-xiviri. Tinhl. 31:28; Nhlav. 16:3; Levh. 24:18

Moya-xiviri wu ni ngati, wa dya naswona wa fa. Yer. 2:34; Levh. 7:18; Ezek. 18:4

Munhu, leswi a hanyaka, ku vuriwa leswaku u ni moya-xiviri. Mar. 8:36; Yoh. 10:15

B. Ku hambana exikarhi ka moya-xiviri ni moya (“spirit”)

Vutomi lebyi nga munhu kumbe xivumbiwa i moya-xiviri. Yoh. 10:15; Levh. 17:11

Matimba ya vutomi lama susumetaka mimoya-xiviri ma vitaniwa “moya.” Ps. 146:4; 104:29

Loko munhu a fa, matimba ya vutomi ma tlhelela eka Xikwembu. Ekl. 12:7

Xikwembu hi xona ntsena lexi xi nga pfuxaka matimba ya vutomi. Ezek. 37:12-14

18. Mpfangano Wa Vupfumeri

A. Ku hlangana ni vukhongeri byin’wana a hi ndlela ya Xikwembu

Ku ni ndlela yin’we yo khuma, a hi vangani lava yi kumaka. Ef. 4:4-6; Mt. 7:13, 14

Hi tsundzuxiwa leswaku tidyondzo ta mavunwa ta thyakisa. Mt. 16:6, 12; Gal. 5:9

Hi lerisiwa ku va lava hambaneke. 2 Tim. 3:5; 2 Kor. 6:14-17; Nhlav. 18:4

B. Leswaku “Vukhongeri hinkwabyo byi vonaka byi ri byinene,” a hi swona

Van’wana va hiseka kambe ku nga ri hi ndlela ya Xikwembu. Rhom. 10:2, 3

Vubihi byi onha swin’wana leswi swi nga vaka swinene. 1 Kor. 5:6; Mt. 7:15-17

Vadyondzisi va mavunwa va tisa ndzoviso. 2 Pet. 2:1; Mt. 12:30; 15:14

Vugandzeri lebyi baseke byi lava ku tinyiketela loku heleleke. Det. 6:5, 14, 15

19. Mutirheli

A. Vakreste hinkwavo va fanele ku va vatirheli

Yesu a a ri mutirheli wa Xikwembu. Rhom. 15:8, 9; Mt. 20:28

Vakreste va landzela xikombiso xakwe. 1 Pet. 2:21; 1 Kor. 11:1

Hi fanele ku chumayela leswaku hi hetisisa vutirheli. 2 Tim. 4:2, 5; 1 Kor. 9:16

B. Timfanelo ta vutirheli

Moya wa Xikwembu ni ku tiva Rito ra xona. 2 Tim. 2:15; Esa. 61:1-3

Landzelela ntila wa Kreste eku chumayeleni. 1 Pet. 2:21; 2 Tim. 4:2, 5

Xikwembu xi letela hi moya ni nhlengeletano. Yoh. 14:26; 2 Kor. 3:1-3

20. Ngati

A. Mimpompelo ya ngati yi lwisana ni ku kwetsima ka ngati

Nowa u byeriwe leswaku ngati ya kwetsima, i vutomi. Gen. 9:4, 16

Ntwanano wa Nawu a wu yirisa ku dya ngati. Levh. 17:14; 7:26, 27

Yi yirisiwe ni le ka Vakreste. Mint. 15:28, 29; 21:25

B. Ku lava ku ponisa vutomi a swi vuli leswaku ku nga tluriwa nawu wa Xikwembu

Ku yingisa swi tlula magandzelo. 1 Sam. 15:22; Mar. 12:33

Ku rhangisa vutomi bya wena emahlweni ka nawu wa Xikwembu swi ni khombo. Mar. 8:35, 36

21. Nkaneto, Nxaniso

A. Xivangelo xa ku kanetiwa ka Vakreste

Yesu u vengiwile, u vhumbhe nkaneto. Yoh. 15:18-20; Mt. 10:22

Misava ya siringeka loko hi namarhela misinya ya milawu leyinene. 1 Pet. 4:1, 4, 12, 13

Sathana, xikwembu xa mafambiselo lawa ya swilo, u kaneta Mfumo. 2 Kor. 4:4; 1 Pet. 5:8

Mukreste a nga chavi, Xikwembu xa n’wi tiyisa. Rhom. 8:38, 39; Yak. 4:8

B. Wansati a nga fanelanga a pfumelela nuna wakwe a n’wi hambanisa ni Xikwembu

Van’wana va nga ha va va n’wi byele vunwa exihundleni. Mt. 10:34-38; Mint. 28:22

U fanele ku languta eka Xikwembu na Kreste. Yoh. 6:68; 17:3

Hi ku tshembeka kakwe, na nuna wakwe a nga xi tirhela. 1 Kor. 7:16; 1 Pet. 3:1-6

Wanuna i nhloko, kambe a nga fanelanga ku n’wi hlawulela vugandzeri. 1 Kor. 11:3; Mint. 5:29

C. Wanuna a nga fanelanga a pfumelela nsati wakwe a n’wi sivela ku tirhela Xikwembu

U fanele ku rhandza nsati ni ndyangu, a lava leswaku va hanya. 1 Kor. 7:16

U fanele ku endla swiboho, a va hlayisa. 1 Kor. 11:3; 1 Tim. 5:8

Xikwembu xi rhandza vavanuna lava yimelaka ntiyiso. Yak. 1:12; 5:10, 11

Ku landzula ripfumelo leswaku ku va ni ku rhula a swi xi tsakisi Xikwembu. Hev. 10:38

Kongomisa ndyangu entsakweni wa Misava Leyintshwa. Nhlav. 21:3, 4

22. Nkhuvulo

A. I xilaveko xa Vukreste

Yesu u veke xikombiso. Mt. 3:13-15; Hev. 10:7

I xikombiso xa ku titshika kumbe ku tinyiketela. Mt. 16:24; 1 Pet. 3:21

I wa lava kuleke, lava dyondzisekaka ntsena. Mt. 28:19, 20; Mint. 2:41

Ku nyuperisiwa ematini i ndlela leyi faneleke. Mint. 8:38, 39; Yoh. 3:23

B. A wu hlantswi swidyoho

Yesu a a nga khuvuleriwi ku hlantswa swidyoho. 1 Pet. 2:22; 3:18

Ngati ya Yesu hi yona yi hlantswaka swidyoho. 1 Yoh. 1:7

23. Nkutsulo

A. Vutomi bya Yesu tanihi munhu wa nyama byi nyikeriwile tanihi ‘nkutsulo wa hinkwavo’

Yesu u nyikele vutomi byakwe byi va nkutsulo. Mt. 20:28

Ntikelo wa ngati leyi halakeke wu susa swidyoho. Hev. 9:14, 22

Gandzelo rin’we a ri ringene ku tirha nkarhi hinkwawo. Rhom. 6:10; Hev. 9:26

Vuyelo lebyinene a byi tiendlekeli; byi fanele ku amukeriwa. Yoh. 3:16

B. A ku ri hakelo leyi faneleke

Adamu u vumbiwe a hetisekile. Det. 32:4; Ekl. 7:29; Gen. 1:31

U lahlekeriwe hi ku hetiseka ni vana vakwe hikwalaho ka xidyoho. Rhom. 5:12, 18

Vana vakwe a va ri hava ntshembo; a ku laveka la fanaka na Adamu. Ps. 49:7; Det. 19:21

Vutomi lebyi hetisekeke bya Yesu tanihi munhu wa nyama i nkutsulo. 1 Tim. 2:5, 6; 1 Pet. 1:18, 19

24. Ntlhandlamano Wa Minkarhi

A. 1914 (C.E.) ku hela ka Nkarhi wa Vamatiko

Ku kavanyetiwa ka nxaxamelo wa valawuri va mfumo, 607 B.C.E. Ezek. 21:25-27

Mfumo a wu ta pfuxetiwa loko ku hundze ‘minkarhi ya nkombo.’ Dan. 4:32, 16, 17

Nkombo = minkarhi ya 2 × 3 1/2, kumbe masiku ya 2 × 1 260. Nhlav. 12:6, 14; 11:2, 3

Siku ri yimela lembe. [Swi endla malembe ya 2 520] Ezek. 4:6; Tinhl. 14:34

Wu ta hela loko Mfumo wu simekiwa. Lk. 21:24; Dan. 7:13, 14

25. Ntumbuluko

A. Wu pfumelelana ni sayense; wu kanetana ni hundzuluko

Sayense yi pfumelelana ni ntlhandlamano wa ntumbuluko. Gen. 1:11, 12, 21, 24, 25

Nawu wa Xikwembu wa ‘tinxaka’ ta swilo wu tikombe wu ri ntiyiso. Gen. 1:11, 12; Yak. 3:12

B. Masiku ya ku tumbuluxa a hi masiku ya tiawara ta 24

“Siku” ri nga ha vula nkarhi wo karhi. Gen. 2:4, NWa

Siku eka Xikwembu ri nga ha va nkarhi wo leha. Ps. 90:4; 2 Pet. 3:8

26. Rifu

A. Lexi vangaka rifu

Munhu a a hetisekile eku sunguleni, a ri ni ntshembo wa vutomi lebyi nga heriki. Gen. 1:28, 31

Ku tlula nawu ku tise xigwevo xa rifu. Gen. 2:16, 17; 3:17, 19

Xidyoho ni rifu swi nghene eka vana hinkwavo va Adamu. Rhom. 5:12

B. Xiyimo xa vafi

Adamu u endliwe moya-xiviri, a nga nyikiwanga wona. Gen. 2:7; 1 Kor. 15:45

Munhu, la nga moya-xiviri, hi yena a faka. Ezek. 18:4; Esa. 53:12; Yobo 11:20

Vafi a va twi nchumu, a va tivi nchumu. Ekl. 9:5, 10; Ps. 146:3, 4

Vafi va etlele, va rindzele ku pfuxiwa. Yoh. 11:11-14, 23-26; Mint. 7:60

C. Ku vulavula ni vafi a swi koteki

Vafi a va hanyi ni Xikwembu tanihi mimoya. Ps. 115:17; Esa. 38:18

Hi tsundzuxiwa ku ka hi nga ringeti ku vulavula ni vafi. Esa. 8:19; Levh. 19:31

Vangoma, vavhumbhi, va avanyisiwa. Det. 18:10-12; Gal. 5:19-21

27. Savata

A. Siku ra Savata a ri bohi eka Vakreste

Nawu wu herisiwile hi rifu ra Yesu. Ef. 2:15

Savata a yi bohi eka Vakreste. Kol. 2:16, 17; Rhom. 14:5, 10

Ku soriwa hikwalaho ko hlayisa Savata ni swin’wana. Gal. 4:9-11; Rhom. 10:2-4

Nghena eku wiseni ka Xikwembu hi ripfumelo ni ku yingisa. Hev. 4:9-11

B. Ku hlayisa Savata a ku laveka eka Israyele wa khale ntsena

Savata yi sungule ku tlangeriwa endzhaku ka Ku Rhurha. Eks. 16:26, 27, 29, 30

A yi fanerile eka Israyele wa ntumbuluko tanihi xikombiso. Eks. 31:16, 17; Ps. 147:19, 20

Savata ya lembe na lembe a yi ri kona ni le hansi ka Nawu. Eks. 23:10, 11; Levh. 25:3, 4

Savata a hi nchumu lowu bohaka eka Vakreste. Rhom. 14:5, 10; Gal. 4:9-11

C. Savata ya Xikwembu ya ku wisa (siku ra vu-7 ra “vhiki” ra ku tumbuluxa)

Yi sungule loko ntumbuluko wa misava wu tshinela eku heleni. Gen. 2:2, 3; Hev. 4:3-5

Yi fambe yi ta fika ni le sikwini ra Yesu emisaveni. Hev. 4:6-8; Ps. 95:7-9, 11

Vakreste va wisa eka mintirho ya swilaveko swa vona. Hev. 4:9, 10

Yi hela loko Mfumo wu heta ntirho emisaveni. 1 Kor. 15:24, 28

28. Swifaniso

A. Ku tirhisa swifaniso, eku gandzeleni i ndzhukano eka Xikwembu

Ku hava lexi nga fanaka ni Xikwembu. 1 Yoh. 4:12; Esa. 40:18; 46:5; Mint. 17:29

Vakreste va tsundzuxiwa ehenhleni ka swifaniso. 1 Kor. 10:14; 1 Yoh. 5:21

Xikwembu xi fanele ku gandzeriwa hi moya ni ntiyiso. Yoh. 4:24

B. Ku gandzela swifaniso ku tikombe ku ri ni khombo etikweni ra Israyele

Ku gandzela swifaniso a swi yirisiwile eka Vayuda. Eks. 20:4, 5

A swi twi, a swi vulavuli; vaendli va swona va fana na swona. Ps. 115:4-8

Swi tise ntlhamu, ndzoviso. Ps. 106:36, 40-42; Yer. 22:8, 9

C. Vugandzeri lebyi nga “hetisekangiki” a byi amukeriwi

Xikwembu a xi byi amukelanga vugandzeri lebyi nga “hetisekangiki.” Esa. 42:8

Xikwembu hi xona ntsena ‘Mutwi wa xikhongelo.’ Ps. 65:1, 2

29. Tihele (Hades, Sheol)

A. A hi ndhawu ya xiviri ya ku xanisiwa endzilweni

Yobo loyi a a xaniseka u khongele a kombela ku ya kona. Yobo 14:13

I ndhawu leyi ku nga tirhiwiki. Ps. 6:5; Ekl. 9:10; Esa. 38:18, 19

Yesu u pfuxiwe esirheni, tihele. Mint. 2:27, 31, 32; Ps. 16:10

Tihele ti ta humesa vafi van’wana ivi ti lovisiwa. Nhlav. 20:13, 14

B. Ndzilo i xikombiso xa ndzoviso

Ku dlaya ku fanekiseriwa hi ndzilo. Mt. 25:41, 46; 13:30

Lavo biha lava nga hundzukiki va lovisiwa, onge i ku lovisa ka ndzilo. Hev. 10:26, 27

Ku “xanisiwa” ka Sathana endzilweni i rifu ra makumu. Nhlav. 20:10, 14, 15

C. Mhaka ya mufuwi na Lazaro a yi kombisi ku xanisiwa hi laha ku nga heriki

Ndzilo a hi wa xiviri, ku kota xifuva xa Abrahama. Lk. 16:22-24

Musa wa Abrahama wu pimanisiwa ni munyama. Mt. 8:11, 12

Ku lovisiwa ka Babilona ku vitaniwa nxaniso wa ndzilo. Nhlav. 18:8-10, 21

30. Tiholideyi, Masiku Yo Velekiwa

A. Masiku yo Velekiwa, Khisimusi, a swi tlangeriwanga hi Vakreste vo sungula

A swi tlangeriwa hi lava nga riki vagandzeri va ntiyiso. Gen. 40:20; Mt. 14:6

Rifu ra Yesu ri fanele ku tsundzukiwa. Lk. 22:19, 20; 1 Kor. 11:25, 26

Huwa leyi fambisanaka ni minkhuvo a yi fanelanga. Rhom. 13:13; Gal. 5:21; 1 Pet. 4:3

31. Tilo

A. I 144 000 ntsena lava yaka etilweni

I nhlayo leyi pimiweke; va ta va tihosi na Kreste. Nhlav. 5:9, 10; 20:4

Yesu hi yena wo rhanga; lavan’wana va hlawuriwe endzhaku. Kol. 1:18; 1 Pet. 2:21

Van’wana vo tala va ta hanya emisaveni. Ps. 72:8; Nhlav. 21:3, 4

Lava 144 000 va le ka xiyimo xo hlawuleka, lexi van’wana va nga riki na xona. Nhlav. 14:1, 3; 7:4, 9

32. Timbhoni Ta Yehovha

A. Masungulo ya Timbhoni ta Yehovha

Yehovha u hlamusela timbhoni takwe. Esa. 43:10-12; Yer. 15:16

Ntlhandlamano wa timbhoni to tshembeka wu sungule eka Avele. Hev. 11:4, 39; 12:1

Yesu a a ri mbhoni yo tshembeka, ya ntiyiso. Yoh. 18:37; Nhlav. 1:5; 3:14

33. Vaprofeta Va Mavunwa

A. Ku vhumbhiwile hi vaprofeta va mavunwa; a va ri kona enkarhini wa vaapostola

Leswi kombisaka vaprofeta va mavunwa. Det. 18:20-22; Lk. 6:26

Ku vhumbhiwe ha vona; va voniwa hi mihandzu. Mt. 24:23-26; 7:15-23

34. Vubihi, Maxangu Ya Misava

A. I mani la vangaka maxangu ya misava

Vulawuri byo biha byi vanga mikarhi yo nonon’hwa namuntlha. Swiv. 29:2; 28:28

Mulawuri wa misava i nala wa Xikwembu. 2 Kor. 4:4; 1 Yoh. 5:19; Yoh. 12:31

Maxangu ma tisiwa hi Diyavulosi, ku sele nkarhi wo koma. Nhlav. 12:9, 12

Diyavulosi u ta bohiwa, ivi ku landzela ku rhula lokukulu. Nhlav. 20:1-3; 21:3, 4

B. Xivangelo xa ku pfumeleriwa ka vubihi

Diyavulosi u tlhontlhe vutshembeki bya swivumbiwa eka Xikwembu. Yobo 1:11, 12

Vanhu vo tshembeka va nyikiwa nkarhi wo kombisa vutshembeki. Rhom. 9:17; Swiv. 27:11

Diyavulosi u tikombe a ri muhembi, ku nga mhaka leyi a yi fanele ku lulamisiwa. Yoh. 12:31

Lavo tshembeka va hakeriwa hi vutomi lebyi nga heriki. Rhom. 2:6, 7; Nhlav. 21:3-5

C. Nkarhi lowu lehisiweke wa makumu i lunghiselelo ra tintswalo

Tanihi le sikwini ra Nowa, ku tsundzuxa swi lava nkarhi. Mt. 24:14, 37-39

Xikwembu a xi hlweli, kambe xi ni tintswalo. 2 Pet. 3:9; Esa. 30:18

Bibele ya hi pfuna leswaku hi tshama hi xalamukile. Lk. 21:36; 1 Tes. 5:4

Lava lunghiselelo ra Xikwembu sweswi leswaku u sirheleleka. Esa. 2:2-4; Sof. 2:3

D. Maxangu ya misava a ma nge lulamisiwi hi vanhu

Vanhu va chava ngopfu, va pfilunganyekile. Lk. 21:25, 26; 2 Tim. 3:1-5

Mfumo wa Xikwembu wu ta humelela, hayi vanhu. Dan. 2:44; Mt. 6:10

Leswaku u hanya, lava ku rhula ka Hosi sweswi. Ps. 2:9, 11, 12

35. Vukati

A. Vukati byi fanele byi xiximeka

Byi fanisiwa na Kreste ni mutekiwa. Ef. 5:22, 23

Sangu ra vukati ri nga thyakisiwi. Hev. 13:4

Mimpatswa yi layiwa leswaku yi nga hambani. 1 Kor. 7:10-16

Por·neiʹa (vuoswi) hi xona ntsena xisekelo xa Matsalwa xo dlaya vukati. Mt. 19:9

B. Nawu wa vunhloko wu fanele wu xiximiwa hi Vakreste

Tanihi tinhloko, vavanuna va fanele va rhandza ndyangu ni ku wu hlayisa. Ef. 5:23-31

Wansati, hi ku titsongahata, u rhandza nuna, a n’wi yingisa. 1 Pet. 3:1-7; Ef. 5:22

Vana va fanele ku yingisa. Ef. 6:1-3; Kol. 3:20

C. Vutihlamuleri bya vatswari va Vakreste eka vana

Va fanele va va komba rirhandzu, va tinyika nkarhi wo va na vona ni ku va khathalela. Tito 2:4

Va nga va hlundzukisi. Kol. 3:21

Va va wundla hi swilo swa nyama ni swa moya. 2 Kor. 12:14; 1 Tim. 5:8

Va va letela ndlela ya vutomi. Ef. 6:4; Swiv. 22:6, 15; 23:13, 14

D. Vakreste va fanele va tekana ni Vakreste-kulobye ntsena

Va teka ‘eHosini’ ntsena. 1 Kor. 7:39; Det. 7:3, 4; Neh. 13:26

E. Ku teka tshengwe a swi pfumeleriwi hi Matsalwa

Wanuna wo sungula a a fanele ku va ni nsati un’we ntsena. Gen. 2:18, 22-25

Yesu u pfuxete mpimanyeto wa Vakreste. Mt. 19:3-9

Vakreste vo sungula a va nga teki tshengwe. 1 Kor. 7:2, 12-16; Ef. 5:28-31

36. Vukhongeri

A. Ku ni vukhongeri byin’we ntsena bya ntiyiso

Ku ni tshembo wun’we, vupfumeri byin’we ni nkhuvulo wun’we. Ef. 4:5, 13

Byi rhumiwe ku endla vadyondzisiwa. Mt. 28:19; Mint. 8:12; 14:21

Byi voniwa hi mihandzu ya byona. Mt. 7:19, 20; Lk. 6:43, 44; Yoh. 15:8

Swirho swa byona swi ni rirhandzu ni ntwanano. Yoh. 13:35; 1 Kor. 1:10; 1 Yoh. 4:20

B. Tidyondzo ta mavunwa ti soriwa hi laha ku faneleke

Yesu u sole tidyondzo ta mavunwa. Mt. 23:15, 23, 24; 15:4-9

U swi endlele ku pfuna lava feke mahlo. Mt. 15:14

Ntiyiso wu va ntshunxile va va vadyondzisiwa va Yesu. Yoh. 8:31, 32

C. Ku cinca vukhongeri bya wena i swa nkoka loko byi hoxile

Ntiyiso wa ntshunxa; wu kombisa leswaku vo tala va hoxile. Yoh. 8:31, 32

Vaisrayele ni van’wana va siye vugandzeri byo sungula. Yox. 24:15; 2 Tih. 5:17

Vakreste vo sungula va cince mavonelo ya vona. Gal. 1:13, 14; Mint. 3:17, 19

Misava hinkwayo yi hambukisiwile; yi fanele ku cinca miehleketo. Nhlav. 12:9; Rhom. 12:2

D. Mhaka ya leswaku onge “vukhongeri hinkwabyo i byinene” a yi vuli leswaku Xikwembu xa byi amukela

Xikwembu xi veka mpimanyeto wa vugandzeri. Yoh. 4:23, 24; Yak. 1:27

A hi byinene loko byi nga fambisani ni ku rhandza ka Xikwembu. Rhom. 10:2, 3

‘Mintirho yo saseka’ yi nga ariwa. Mt. 7:21-23

Byi voniwa hi mihandzu. Mt. 7:20

37. Vunharhu-un’we

A. Xikwembu, Tatana, i Munhu un’we, lonkulu eka vuako hinkwabyo

Xikwembu a hi vanhu vanharhu. Det. 6:4; Mal. 2:10; Mar. 10:18; Rhom. 3:29, 30

N’wana u lo vumbiwa; Xikwembu a xi ri xoxe eku sunguleni. Nhlav. 3:14; Kol. 1:15; Esa. 44:6

Xikwembu i mufumi wa vuako hinkwabyo hi masiku ni masiku. Flp. 2:5, 6; Dan. 4:35

Xikwembu xi fanele ku tlakusiwa eka hinkwaswo. Flp. 2:10, 11

B. N’wana a a ri ehansi ka Tatana loko a nga si ta emisaveni ni loko se a tile

N’wana a a yingisa etilweni, u rhumiwe hi Tatana. Yoh. 8:42; 12:49

A a titsongahata emisaveni, Tatana hi yena lonkulu. Yoh. 14:28; 5:19; Hev. 5:8

U tlakusiwile etilweni, kambe wa ha titsongahata. Flp. 2:9; 1 Kor. 15:28; Mt. 20:23

Yehovha i Xikwembu ni nhloko ya Kreste. 1 Kor. 11:3; Yoh. 20:17; Nhlav. 1:6

C. Ku va un’we ka Xikwembu na Kreste

Nkarhi hinkwawo va ni ntwanano lowu hetisekeke. Yoh. 8:28, 29; 14:10

Va ni vun’we byo fana ni bya wanuna ni wansati. Yoh. 10:30; Mt. 19:4-6

Vapfumeri hinkwavo va fanele ku va ni vun’we lebyi fanaka. Yoh. 17:20-22; 1 Kor. 1:10

Vugandzeri bya Yehovha i byin’we ha Kreste hi laha ku nga heriki. Yoh. 4:23, 24

D. Moya lowo kwetsima wa Xikwembu i matimba ya xona lama tirhaka

I matimba, hayi munhu. Mt. 3:16; Yoh. 20:22; Mint. 2:4, 17, 33

A hi munhu wa le tilweni la nga ni Xikwembu na Kreste. Mint. 7:55, 56; Nhlav. 7:10

Wu kongomisiwa hi Xikwembu leswaku xi hetisisa swikongomelo. Ps. 104:30; 1 Kor. 12:4-11

Lava tirhelaka Xikwembu va wu amukela, wu va kongomisa. 1 Kor. 2:12, 13; Gal. 5:16

38. Vutomi

A. Vanhu lava yingisaka va ta kuma vutomi lebyi nga heriki hakunene

Xikwembu lexi nga hembiki, xi tshembise vutomi. Tito 1:2; Yoh. 10:27, 28

Vutomi lebyi nga heriki bya tiyisekisiwa eka lava nga ni ripfumelo. Yoh. 11:25, 26

Rifu ri ta lovisiwa. 1 Kor. 15:26; Nhlav. 21:4; 20:14; Esa. 25:8

B. Vutomi bya le tilweni i bya lava nga emirini wa Kreste ntsena

Xikwembu xi hlawula swirho hi ku rhandza ka xona. Mt. 20:23; 1 Kor. 12:18

I vanhu va 144 000 lava tekiwaka emisaveni. Nhlav. 14:1, 4; 7:2-4; 5:9, 10

Hambi Yohane Mukhuvuri a nge vi kona eka Mfumo wa le tilweni. Mt. 11:11

C. Vutomi bya le misaveni byi tshembisiwa vanhu vo tala, “tinyimpfu tin’wana”

I nhlayo leyi pimiweke leyi nga ta va na Yesu etilweni. Nhlav. 14:1, 4; 7:2-4

“I tinyimpfu tin’wana” ku nga ri vamakwavo wa Kreste. Yoh. 10:16; Mt. 25:32, 40

Vunyingi sweswi byi hlengeletanela ku ponela emisaveni. Nhlav. 7:9, 15-17

Van’wana va ta pfuxeriwa ku hanya emisaveni. Nhlav. 20:12; 21:4

39. Xidyoho

A. Leswi xidyoho xi nga swona

Ku tlula nawu wa Xikwembu, mpimanyeto wa xona wo hetiseka. 1 Yoh. 3:4; 5:17

Munhu, la nga xivumbiwa xa Xikwembu, u le hansi ka xona. Rhom. 14:12; 2:12-15

Nawu wu hlamusele xidyoho, wu endla vanhu va xi vona. Gal. 3:19; Rhom. 3:20

Hinkwavo va dyohile, va pfumala mpimanyeto wa Xikwembu lowu hetisekeke. Rhom. 3:23; Ps. 51:5

B. Lexi vangeke leswaku hinkwavo va xaniseka hikwalaho ka Xidyoho xa Adamu

Adamu u vange ku nga hetiseki ni rifu eka hinkwavo. Rhom. 5:12, 18

Xikwembu xi kombise tintswalo hi ku lehisela vanhu mbilu. Ps. 103:8, 10, 14, 17

Gandzelo ra Yesu ri rivalela swidyoho. 1 Yoh. 2:2

Xidyoho ni mintirho yin’wana hinkwayo ya Diyavulosi swi ta herisiwa. 1 Yoh. 3:8

C. Mbhandzu lowu yirisiweke a ku ri ku pfumala ku yingisa, ku nga ri ku endla rimbewu

Murhi wu yirisiwe Evha a nga si vumbiwa. Gen. 2:17, 18

Adamu na Evha va byeriwe leswaku va va ni vana. Gen. 1:28

Vana a va tisiwanga hi xidyoho, kambe a ku ri nkateko wa Xikwembu. Ps. 127:3-5

Loko Evha a dyoha nuna wakwe a a nga ri kona; u rhangelerile. Gen. 3:6; 1 Tim. 2:11-14

Adamu, tanihi nhloko, u xandzukele nawu wa Xikwembu. Rhom. 5:12, 19

D. Leswi ku dyohela moya lowo kwetsima swi vulaka swona (Mt. 12:32; Mar. 3:28, 29)

A hi xona xidyoho lexi hi velekiweke na xona. Rhom. 5:8, 12, 18; 1 Yoh. 5:17

Munhu a nga ha dyohela moya, a vuya a rivaleriwa. Ef. 4:30; Yak. 5:19, 20

Ku endla xidyoho hi vomu swi vanga rifu. 1 Yoh. 3:6-9

Xikwembu xa va avanyisa, xi va tekela moya wa xona. Hev. 6:4-8

Hi nga tshuki hi khongelela vanhu vo tano lava nga hundzukiki. 1 Yoh. 5:16, 17

40. Xihambano

A. Yesu u hayekiwe emhandzini ya rifu tanihi xisandzu

Yesu u hayekiwe emhandzini ya rifu kumbe murhi. Mint. 5:30; 10:39; Gal. 3:13

Vakreste va fanele ku rhwala mhandzi tanihi xisandzu. Mt. 10:38; Lk. 9:23

B. A xi fanelanga xi gandzeriwa

Ku kombisa xifaniso xa mhandzi ya Yesu i ndzhukano. Hev. 6:6; Mt. 27:41, 42

Ku tirhisa xihambano evugandzerini i ku gandzela swifaniso. Eks. 20:4, 5; Yer. 10:3-5

Yesu i moya, a nga ha ri emhandzini. 1 Tim. 3:16; 1 Pet. 3:18

41. Xikhongelo

A. Swikhongelo leswi Xikwembu xi swi yingisaka

Xikwembu xa swi yingisa swikhongelo swa vanhu. Ps. 145:18; 1 Pet. 3:12

Lavo biha a xi va yingisi loko va nga suki endleleni ya vona. Esa. 1:15-17

Hi fanele ku khongela hi vito ra Yesu. Yoh. 14:13, 14; 2 Kor. 1:20

Hi fanele ku khongela hi ku twanana ni ku rhandza ka Xikwembu. 1 Yoh. 5:14, 15

Ku laveka ripfumelo. Yak. 1:6-8

B. Ku phindha-phindha ka hava, ni swikhongelo leswi yaka eka Mariya kumbe “vakwetsimi” a swi tirhi

Hi fanele ku khongela Xikwembu hi vito ra Yesu. Yoh. 14:14; 16:23, 24

Marito yo phindha-phindha a ma nge yingisiwi. Mt. 6:7

42. Xitsundzuxo, Mass

A. Ku Tlangela Xilalelo Xa Hosi

Xi tlangeriwa kan’we hi lembe, hi siku ra Paseka. Lk. 22:1, 17-20; Eks. 12:14

I xitsundzuxo xa rifu ra Kreste ra gandzelo. 1 Kor. 11:26; Mt. 26:28

Lava nga ni ntshembo wa le tilweni va dya. Lk. 22:29, 30; 12:32, 37

Ndlela leyi munhu a swi tivaka ha yona loko a ri ni ntshembo wolowo. Rhom. 8:15-17

B. “Mass” (Xilalelo xa Khatoliki) a xi seketeriwi hi Matsalwa

Ku rivaleriwa swidyoho swi lava leswaku ngati yi halatiwa. Hev. 9:22

Kreste hi yena ntsena Muhlanganisi wa ntwanano lowuntshwa. 1 Tim. 2:5, 6; Yoh. 14:6

Kreste u le tilweni; a nga xikisiwi hi muprista. Mint. 3:20, 21

A swi laveki leswaku gandzelo ra Kreste ri endliwa nakambe. Hev. 9:24-26; 10:11-14

43. Yehovha, Xikwembu

A. Vito ra Xikwembu

“Xikwembu” a hi vito; Hosi ya hina yi ni vito. 1 Kor. 8:5, 6

Hi khongelela leswaku vito rakwe ri kwetsimisiwa. Mt. 6:9, 10

Yehovha i vito ra Xikwembu. Ps. 83:18; Eks. 6:2, 3; 3:15; Esa. 42:8

Eka BX.b Vito leri ri le ka Eks. 6:3 (Dy nhlamuselo ya le hansi). Ps. 83:18; Esa. 12:2; 26:4

Yesu u twarise vito leri. Yoh. 17:6, 26; 5:43; 12:12, 13, 28

B. Vukona bya Xikwembu

A swi koteki ku vona Xikwembu u vuya u hanya. Eks. 33:20; Yoh. 1:18; 1 Yoh. 4:12

A swi bohi leswaku u vona Xikwembu leswaku u pfumela. Hev. 11:1; Rhom. 8:24, 25; 10:17

Xikwembu xi tiviwa hi mintirho ya xona leyi vonakaka. Rhom. 1:20; Ps. 19:1, 2

Ku hetiseka ka vuprofeta ku kombisa vukona bya Xikwembu. Esa. 46:8-11

C. Timfanelo ta Xikwembu

Xikwembu i rirhandzu. 1 Yoh. 4:8, 16; Eks. 34:6; 2 Kor. 13:11; Mik. 7:18

Xi ni vutlharhi lebyikulu. Yobo 12:13; Rhom. 11:33; 1 Kor. 2:7

Xi ni vunene, xi kombisa vululami. Det. 32:4; Ps. 37:28

Xi ni matimba hinkwawo. Yobo 37:23; Nhlav. 7:12; 4:11

D. A hi hinkwavo lava tirhelaka Xikwembu xin’we

Ndlela leyi vonakaka yi ri yinene, minkarhi yin’wana a hi yinene. Swiv. 16:25; Mt. 7:21

Tindlela i timbirhi, i yin’we ntsena leyi yisaka evuton’wini. Mt. 7:13, 14; Det. 30:19

Swikwembu swi tele kambe Xikwembu xa ntiyiso i xin’we. 1 Kor. 8:5, 6; Ps. 82:1

Ku tiva Xikwembu xa ntiyiso i swa nkoka leswaku u hanya. Yoh. 17:3; 1 Yoh. 5:20

44. Yesu

A. Yesu i N’wana wa Xikwembu ni Hosi leyi vekiweke

I mativula ya Xikwembu, u vumbe swilo hinkwaswo. Nhlav. 3:14; Kol. 1:15-17

U endliwe munhu la velekiweke hi wansati, a va ehansi ka tintsumi. Gal. 4:4; Hev. 2:9

U velekiwe hi moya wa Xikwembu, a hetelela hi ku ya etilweni. Mt. 3:16, 17

U tlakusiwile ku tlula loko a nga si va munhu wa nyama. Flp. 2:9, 10

B. Ku pfumela eka Yesu Kreste i ka nkoka leswaku u ponisiwa

Kreste i Mbewu leyi tshembisiweke ya Abrahama. Gen. 22:18; Gal. 3:16

Yesu u nyikele vutomi bya yena tanihi nkutsulo. Mt. 20:28; 1 Yoh. 2:2

Vutomi byi kumiwa hi ku tiva Xikwembu na Kreste ni ku titsongahata. Yoh. 17:3; Mint. 4:12

C. Ku laveka leswi tlulaka ku pfumela eka Yesu

Ripfumelo ri fanele ri fambisana ni mintirho. Yak. 2:17-26; 1:22-25

U fanele ku yingisa milawu, u endla ntirho lowu a wu endleke. Yoh. 14:12, 15; 1 Yoh. 2:3

A hi hinkwavo lava tirhisaka vito ra Hosi lava nga ta nghena eMfun’weni. Mt. 7:21-23

[Footnotes]