Xikombiso Lexinene—Yakobe

Yakobe swin’we ni makwavo Esawu a va hete malembe yo tala va nga vulavurisani. Entiyisweni, Esawu a a venga Yakobe. Hambileswi Yakobe a a nga endlanga xihoxo, hi yena loyi a nga teka goza ro tlhantlha xiphiqo lexi a xi ri kona. U titsongahatile leswaku ku ta tlhantlhiwa xiphiqo. Xikongomelo xa yena a ku nga ri ku va ni rito ro hetelela kambe a ku ri ku endla leswaku makwavo wa yena a tlhela a n’wi rhandza. Yakobe a a nga lahlanga milawu leyi a a hanya hi yona naswona a nga sindzisanga leswaku a rivaleriwa a nga si endla ku rhula ni makwavo wa yena.—Genesa 25:27-34; 27:30-41; 32:3-22; 33:1-9.

U endla njhani loko ku ri ni mholovo exikarhi ka wena ni swirho swa ndyangu wa ka n’wina? Minkarhi yin’wana u nga ha vona onge wena a wu endlanga xihoxo kambe makwenu kumbe mutswari wa wena hi yena a endleke xihoxo. Eka swiyimo swo tano, xana u yimela munhu lowun’wana leswaku a teka goza ku sungula? Kumbe xana u nga fana na Yakobe? Loko ku nga tluriwi milawu ya Bibele, xana u nga titsongahata leswaku mi ta kondletela ku rhula? (1 Petro 3:8, 9) Yakobe a nga pfumelelanga ku tikukumuxa ku ava ndyangu wa ka vona hi le xikarhi. U titsongahatile ivi a lulamisa vuxaka bya yena ni makwavo wa yena. Xana na wena u ta endla hilaha ku fanaka eka swirho swa ndyangu wa ka n’wina?