Watchtower LAYIBURARI YA LE KA WEB SITE
Watchtower
LAYIBURARI YA LE KA WEB SITE
Xitsonga
  • BIBELE
  • MIKANDZIYISO
  • TINHLENGELETANO TA VANDHLA
  • fg dyondzo 3 swiv. 1-4
  • Xana Mahungu Lamanene Ma Huma Eka Xikwembu Hakunene?

A ku na vhidiyo.

Hi khomele, ku ve ni xiphiqo loko hi tlanga vhidiyo leyi.

  • Xana Mahungu Lamanene Ma Huma Eka Xikwembu Hakunene?
  • Mahungu Lamanene Lama Humaka Eka Xikwembu!
  • Tinhlokomhaka Tin'wana Leti Yelana Na Yona
  • Ha Yini Hi Fanele Hi Dyondza Eka Xikwembu?
    Xihondzo xo Rindza Xi Huwelela Mfumo Wa Yehovha—2011
  • Bibele Yi Ni Mahungu Lama Humaka Eka Xikwembu
    Tiphine Hi Vutomi Hilaha Ku Nga Heriki!—Buku Ya Mudyondzisi Na Mudyondzi
  • Bibele—I Buku Leyi Humaka Eka Xikwembu
    I Yini Leswi Hi Nga Swi Dyondzaka eBibeleni?
  • Papila Leri Humaka Eka Xikwembu Lexi Nga Ni Rirhandzu
    Dyondza Eka Mudyondzisi Lonkulu
Vona Swo Tala
Mahungu Lamanene Lama Humaka Eka Xikwembu!
fg dyondzo 3 swiv. 1-4

DYONDZO 3

Xana Mahungu Lamanene Ma Huma Eka Xikwembu Hakunene?

1. I mani Mutsari wa Bibele?

Tikopi to hambana-hambana ta Bibele ni matsalwa ya khale ya Bibele

Mahungu lamanene ya leswaku vanhu va ta hanya hilaha ku nga heriki emisaveni ma tsariwe eBibeleni. (Pisalema 37:29) Bibele yi vumbiwa hi tibuku ta 66 letitsongo. Xikwembu xi tirhise vavanuna va kwalomu ka 40 vo tshembeka leswaku va ti tsala. Tibuku to sungula ta ntlhanu ti tsariwe hi Muxe kwalomu ka malembe ya 3 500 lama hundzeke. Buku yo hetelela yi tsariwe hi muapostola Yohane malembe yo tlula 1 900 lama hundzeke. Vatsari va Bibele va tsale mianakanyo ya mani? Xikwembu xi vulavule ni vatsari va Bibele xi tirhisa moya wa xona lowo kwetsima. (2 Samuwele 23:2) Va tsale mianakanyo ya Xikwembu ku nga ri ya vona vini. Hikwalaho Yehovha i Mutsari wa Bibele.—Hlaya 2 Timotiya 3:16; 2 Petro 1:20, 21.

Hlalela vhidiyo leyi nge Xana I Mani Mutsari Wa Bibele?

2. Hi nga tiyiseka njhani leswaku leswi nga eBibeleni i ntiyiso?

Ha swi tiva leswaku Bibele yi huma eka Xikwembu hikuva yi profeta hi vuenti hi vumundzuku hi ndlela leyi pakanisaka. A nga kona munhu wa nyama la nga kotaka ku endla sweswo. (Yoxuwa 23:14) I Xikwembu xa Matimba Hinkwawo ntsena lexi nga profetaka hi vumundzuku bya vanhu hi ku pakanisa.—Hlaya Esaya 42:9; 46:10.

Swa twala ku langutela leswaku buku leyi humaka eka Xikwembu yi va leyi hlawulekeke naswona yi hlawulekile. Ku hangalasiwe tibiliyoni ta tikopi ta Bibele hi tindzimi ta madzana. Hambileswi Bibele yi nga ya khale, yi pfumelelana ni sayense. Naswona vatsari va yona va 40 a va kanetananga.a Ku tlula kwalaho, leswi Bibele yi swi vulaka hi rirhandzu swi nga huma eka Xikwembu xa ntiyiso ntsena lexi nga ni rirhandzu naswona ya ha ri ni matimba ya ku hundzula vutomi bya vanhu leswaku va va ni mahanyelo lamanene. Tinhla leti, ti khorwisa vanhu va timiliyoni leswaku Bibele i Rito ra Xikwembu.—Hlaya 1 Vatesalonika 2:13.

Hlalela vhidiyo leyi nge Hi Nga Tiyiseka Njhani Leswaku Leswi Nga eBibeleni I Ntiyiso?

3. Xana Bibele yi vulavula hi yini?

Swifaniso swa Paradeyisi yo sungula, ku lahleka ka Paradeyisi, Ndhambi ya le sikwini ra Nowa, Muxe a ri ni Milawu ya Khume na Yesu a ri karhi a dyondzisa.

Bibele yi vulavula swinene hi mahungu lamanene ya leswaku Xikwembu xi ni xikongomelo xa rirhandzu hi vanhu. Matsalwa ma hlamusela ndlela leyi lunghelo ra vanhu ra ku hanya emisaveni leyi nga paradeyisi ri lahlekeke ha yona eku sunguleni ka matimu ya vanhu ni ndlela leyi paradeyisi yi nga ta hetelela yi vuyeteriwe ha yona.—Hlaya Nhlavutelo 21:4, 5.

Nakambe Rito ra Xikwembu ri ni milawu ni switsundzuxo. Ku engetela kwalaho, Bibele yi ni swikombiso swa ndlela leyi Xikwembu xi va khomaka ha yona vanhu, kutani eka swikombiso swoleswo hi dyondza leswaku Xikwembu i munhu wa muxaka muni. Hikwalaho, Bibele yi nga ku pfuna leswaku u tiva Xikwembu. Yi hlamusela ndlela leyi u nga vaka munghana wa xona ha yona.—Hlaya Pisalema 19:7, 11; Yakobo 2:23; 4:8.

4. U nga yi twisisa njhani Bibele?

Broxara leyi yi ta ku pfuna leswaku u twisisa Bibele hi ku tirhisa maendlelo lama tirhisiweke hi Yesu. Minkarhi yo tala a a tshaha tindzimana ta le Bibeleni kutani a nyikela “nhlamuselo ya Matsalwa.”—Hlaya Luka 24:27, 45.

A swi talanga swilo leswi tsakisaka ku fana ni mahungu lamanene lama humaka eka Xikwembu. Kambe vanhu van’wana a va ma tsakeli naswona van’wanyana ma va nyenyetsa. U nga heli matimba. Ntshembo wa wena wa ku tiphina hi vutomi lebyi nga heriki wu titshege hi ku va u tiva Xikwembu.—Hlaya Yohane 17:3.

Leswaku u kuma rungula leri engetelekeke, hlaya ndzima 2 ya buku leyi nge, I Yini Leswi Hi Nga Swi Dyondzaka eBibeleni?

a Hlaya broxara leyi nge, Buku Ya Vanhu Hinkwavo.

    Minkandziyiso Ya Xitsonga (1987-2025)
    Huma
    Nghena
    • Xitsonga
    • Rhumela
    • Leswi u swi tsakelaka
    • Copyright © 2025 Watch Tower Bible and Tract Society of Pennsylvania
    • Swipimelo Swo Tirhisa Website Leyi
    • Milawu Yo Sirhelela Rungula Ra Xihundla
    • Seta Swa Xihundla
    • JW.ORG
    • Nghena
    Rhumela