Watchtower LAYIBURARI YA LE KA WEB SITE
Watchtower
LAYIBURARI YA LE KA WEB SITE
Xitsonga
  • BIBELE
  • MIKANDZIYISO
  • TINHLENGELETANO TA VANDHLA
  • yc dyondzo 6 matl. 14-15
  • Davhida A A Nga Chavi

A ku na vhidiyo.

Hi khomele, ku ve ni xiphiqo loko hi tlanga vhidiyo leyi.

  • Davhida A A Nga Chavi
  • Dyondzisa Vana Va Wena
  • Tinhlokomhaka Tin'wana Leti Yelana Na Yona
  • Lexi Endleke Leswaku Davhida A Nga Chavi
    Xihondzo xo Rindza Xi Huwelela Mfumo Wa Yehovha—2008
  • Davhida Na Goliyadi
    Leswi U Nga Swi Dyondzaka eBibeleni
  • “Nyimpi I Ya Yehovha”
    Xihondzo xo Rindza Xi Huwelela Mfumo Wa Yehovha (Nkandziyiso Wa Vanhu Hinkwavo)—2016
  • Davhida Na Goliyadi
    Buku Yanga Ya Timhaka Ta Bibele
Vona Swo Tala
Dyondzisa Vana Va Wena
yc dyondzo 6 matl. 14-15

DYONDZO 6

Davhida A A Nga Chavi

Xana u endla yini loko u chava?— Kumbexana u ya eka mana wa wena kumbe tata wa wena leswaku u ya lava mpfuno. Kambe ku ni un’wana loyi na yena a nga ku pfunaka. U ni matimba swinene ku tlula vanhu hinkwavo. Xana wa swi tiva leswaku i mani munhu wa kona?— Ina, i Yehovha Xikwembu. A hi bule hi jaha rin’wana leri eBibeleni ri vuriwaka Davhida. A a swi tiva leswaku Yehovha minkarhi hinkwayo a a ta n’wi pfuna, kutani a a nga chavi.

Ku sukela loko Davhida a ha ri n’wana, vatswari vakwe va n’wi dyondzise ku rhandza Yehovha. Leswi swi pfune Davhida leswaku a nga chavi hambiloko a humeleriwa hi swilo swo chavisa. A a swi tiva leswaku Yehovha a a ri Munghana wakwe nileswaku a a ta n’wi pfuna. Siku rin’wana, loko Davhida a ri karhi a khathalela tinyimpfu, ku humelele nghala leyikulu kutani yi hlasela nyimpfu! Xana wa swi tiva leswaku Davhida u endle yini? U hlongorise nghala kutani a yi dlaya hi mavoko yakwe! Kutani loko bere yi lava ku dlaya nyimpfu, na yona u yi dlayile! Xana u ehleketa leswaku i mani loyi a pfuneke Davhida?— Ina, i Yehovha.

Ku ni nkarhi wun’wana lowu Davhida a kombiseke leswaku a a nga chavi. Vaisrayele a va lwa ni Vafilista. Rin’wana ra masocha ya Vafilisita a ri lehile swinene ri tlhela ri va ni tinyama to tiyela! Vito ra rona a ku ri Goliyadi. Goliyadi a hleka masocha ya Vaisrayele na Yehovha. Goliyadi u byele masocha ya Vaisrayele leswaku ma ta ma ta lwa na yena. Kambe Vaisrayele hinkwavo a va chava ku lwa na yena. Loko Davhida a twa mhaka leyi, u byele Goliyadi a ku: ‘Ndzi ta lwa na wena! Yehovha u ta ndzi pfuna kutani ndzi ta ku hlula!’ Xana u ehleketa leswaku Davhida a a nga chavi?— Ina, a a nga chavi. Xana wa swi lava ku tiva leswi endlekeke endzhaku ka sweswo?

Davhida u teke xipelupelu xakwe ni maribye ya ntlhanu yo rhetela kutani a huma leswaku a ya lwa na Goliyadi. Loko Goliyadi a vona Davhida loyi a ha ri jaha, u n’wi hlekile. Kambe Davhida u n’wi byele leswi: ‘U ta eka mina hi banga, kambe mina ndzi ta eka wena hi vito ra Yehovha!’ Hiloko Davhida a hoxa ribye eka xipelupelu xakwe, a tsutsumela eka Goliyadi ivi a xi hoxa eka yena. Ribye ri be Goliyadi emombyeni wakwe! Goliyadi u wele ehansi kutani a fa! Vafilista va chave ngopfu kutani hinkwavo va baleka. Xana jaha ro fana na Davhida ri swi kotise ku yini ku hlula Goliyadi?— Yehovha u ri pfunile naswona ri ve ni matimba yo tlula ya Goliyadi!

Davhida a dlaya Goliyadi

Davhida a a nga chavi hikuva a a swi tiva leswaku Yehovha u ta n’wi pfuna

Xana u nga dyondza yini eka rungula ra Davhida?— Yehovha u ni matimba swinene ku tlula vanhu hinkwavo. Nakambe i Munghana wa wena. Kutani enkarhini lowu taka loko u twa u chava, tsundzuka, Yehovha a nga ku pfuna leswaku u nga chavi!

HLAYA EBIBELENI YA WENA

  • Pisalema 56:3, 4

  • 1 Samuwele 17:20-54

SWIVUTISO:

  • Xana Davhida u endle yini loko nghala ni bere swi hlasela tinyimpfu takwe?

  • Loko Goliyadi a hleka Yehovha, xana Davhida u te yini eka yena?

  • Xana Davhida u n’wi hlule njhani Goliyadi?

  • Ha yini Davhida a a nga yi chavi nghala, bere na Goliyadi?

  • Xana u nga dyondza yini eka rungula ra Davhida?

    Minkandziyiso Ya Xitsonga (1987-2025)
    Huma
    Nghena
    • Xitsonga
    • Rhumela
    • Leswi u swi tsakelaka
    • Copyright © 2025 Watch Tower Bible and Tract Society of Pennsylvania
    • Swipimelo Swo Tirhisa Website Leyi
    • Milawu Yo Sirhelela Rungula Ra Xihundla
    • Seta Swa Xihundla
    • JW.ORG
    • Nghena
    Rhumela