RISIMU 14
Ku Dzunisa Hosi Leyintshwa Ya Misava
Nkandziyiso Lowu Printiweke
1. Mitshungu ya matiko sweswi
ya hlengeletiwa,
Yi hlengeleta hi Kreste
swin’we ni vatotiwa.
Hi lowu Mfumo wa Hosi;
Wu ta hundzula misava.
Ha tsaka ha chaveleleka,
Ntshembo lowa hi tiyisa.
(KHORASI)
Dzunisa Yehovha ni N’wana wa yena.
Sweswi i Hosi ya tihosi.
Ha titsongahata eka yena
Hi khensa hi dzunisa.
2. Ha vuvutela hi am’kela
Kreste Hosi yerhu.
I Muponisi ni Muavanyisi
wo lulama.
Hi ta tiphina hi tsaka:
Misava yo ke maxangu;
Hleketa ku pfuka ka vafi.
Hakunene hi ta tsaka!
(KHORASI)
Dzunisa Yehovha ni N’wana wa yena.
Sweswi i Hosi ya tihosi.
Ha titsongahata eka yena
Hi khensa hi dzunisa.
(Nakambe vona Ps. 2:6; 45:1; Esa. 9:6; Yoh. 6:40.)