Xilalelo Xa Hosi

1. Yehovha, Tatana wa hina,

Vusiku lebyi byikulu!

I khale u rhandza ku komba misava

Rirhandzu ni vululami.

Khuna ra Paseka ri pfune

Israyele a tshunxiwa.

Yesu u landzerile hi ngati yakwe,

Ku hetiseka vuprofeta.

2. Vhinyo ni xinkwa swa hi komba,

Nkutsulo i wa risima.

Ha ku khensa ku hi

kutsula hi Yesu,

U yingise ka hinkwaswo.

A hi rivali Xitsundzuxo,

Kunene xi hi tsundzuxa

Leswi rifu ra Kreste

ri swi endleke,

Ri hi tshunxe eka xidyoho.

3. Hi hlengeletane ka wena.

Yehovha u hi rhambile,

Hi khensa rirhandzu

ro rhumela Yesu,

Hi khensa hi vuyelela.

Xitsundzuxo xa ku dzunisa,

Na hina xa hi tiyisa.

Hi ta famba hi ringisa Yesu Kreste,

Leswaku hi kuma vutomi.