RISIMU 75
“Hi Mina Loyi! Ndzi Rhume!”
1. Namuntlha vanhu va sandza,
Xikwembu Mutumbuluxi.
Va ri a xi na rirhandzu!
Va ri a ku na Xikwembu.”
Va ta dyondzisa hi mani?
Ku va va tiva Xikwembu.
(KHORASI 1)
‘Hi mina loyi! Ndzi rhume!
Ndzi ta ku yimbelelela.
Inkateko k’tirhela Hosi.
Rhuma mina! Ndzi rhume!’
2. Va ri Xikwembu xa hlwela;
Van’wana a va xi chavi.
Va gandzela swifaniso;
Va tivekela tihosi.
I man a nga ta va byela?
Hi nyimpi yo hetelela?
(KHORASI 2)
‘Hi mina loyi! Ndzi rhume!
Ndzi va byela hi xivindzi.
Inkateko k’tirhela Hosi.
Rhuma mina! Ndzi rhume!’
3. Va musa sweswi va rila,
Vubihi byi ya byi andza.
Va lava ndlela yo antswa,
Ya ku va nyika ku rhula.
I man a nga ta va pfuna?
Va famba hi ku lulama.
(KHORASI 3)
‘Hi mina loyi! Ndzi rhume!
Ndzi va dyondzisa hi nsovo.
Inkateko k’tirhela Hosi.
Rhuma mina! Ndzi rhume!’
(Nakambe vona Ps. 10:4; Ezek. 9:4.)