BOKISI RO DYONDZISA 16B
Nhlomulo Ni Ku Konya, Ku Fungha, Ku Pfotlosa—Swi Endleka Rini Naswona Njhani?
Xivono lexi nga eka Ezekiyele ndzima 9 xa hetiseka manguva lawa. Ku twisisa ndlela leyi swiendlakalo swi nga ta endleka ha yona swi ta hi pfuna leswaku hi va ni xivindzi loko makumu ya misava leyi ma fika
‘Nhlomulo ni ku konya’
SWI ENDLEKA RINI: Emasikwini ya makumu, ku nga si fika nhlomulo lowukulu
SWI ENDLEKA NJHANI: Vanhu lava rhandzaka leswinene va swi kombisa hi marito ni hi swiendlo leswaku va nyenya vuhomboloki bya misava leyi. Vanhu vo tano va amukela mahungu lamanene lama chumayeriwaka, va ya emahlweni va ambala vumunhu lebyi fanaka ni bya Kreste, va kombisa ku tinyiketela ka vona eka Yehovha hi ku khuvuriwa naswona va seketela vamakwavo va Kreste hi ku tshembeka
‘Ku fungha’
SWI ENDLEKA RINI: Hi nkarhi wa nhlomulo lowukulu
SWI ENDLEKA NJHANI: Wanuna loyi a khomeke rimhondzo ra inki ra matsalana u yimela Yesu Kreste loko a ta tanihi Muavanyisi wa matiko hinkwawo. Lava ntshungu lowukulu va ta avanyisiwa hi ndlela leyinene kumbe va funghiwa tanihi tinyimpfu, leswi kombisaka leswaku va ta pona Armagedoni
‘Ku pfotlosa’
SWI ENDLEKA RINI: EArmagedoni
SWI ENDLEKA NJHANI: Yesu Kreste ni mavuthu yakwe ya le tilweni, lama nga ta katsa tintsumi ni vafumikulobye va 144 000, va ta yi lovisa hi ku helela misava leyi yo homboloka ni ku kutsula vagandzeri lava tengeke va nghena emisaveni leyintshwa yo lulama