Watchtower LAYIBURARI YA LE KA WEB SITE
Watchtower
LAYIBURARI YA LE KA WEB SITE
Xitsonga
  • BIBELE
  • MIKANDZIYISO
  • TINHLENGELETANO TA VANDHLA
  • w91 8/15 matl. 24-27
  • Yehova—“Nhenha Ya Nyimpi”

A ku na vhidiyo.

Hi khomele, ku ve ni xiphiqo loko hi tlanga vhidiyo leyi.

  • Yehova—“Nhenha Ya Nyimpi”
  • Xihondzo xo Rindza Xi Huwelela Mfumo Wa Yehovha—1991
  • Swihloko
  • Tinhlokomhaka Tin'wana Leti Yelana Na Yona
  • Xirimbani—Eka Vaisrayele Kumbe Faro?
  • Yehova U Lwela Yoxuwa
  • Nyimpi Ya Le Kixoni
  • Nyimpi eHenhla Ka Gogo Ni Ntshungu Wa Yena
  • “Yimani Mi Tiya Mi Vona Ku Ponisa Ka Yehovha”
    Xihondzo xo Rindza Xi Huwelela Mfumo Wa Yehovha—2007
  • Ku Pela Lwandle Ro Tshwuka
    Buku Yanga Ya Timhaka Ta Bibele
  • Ku Suka eTabor Ku Ya Eku Hluleni!
    Xihondzo xo Rindza Xi Huwelela Mfumo Wa Yehovha—1990
  • Singita Leri Endlekeke eLwandle Ro Tshwuka
    Leswi U Nga Swi Dyondzaka eBibeleni
Vona Swo Tala
Xihondzo xo Rindza Xi Huwelela Mfumo Wa Yehovha—1991
w91 8/15 matl. 24-27

Yehova—“Nhenha Ya Nyimpi”

MAVUTHU ya matimba ya nyimpi ya Vaegipta ya herisiwile. Le tlhelo ka Lwandle ro Tshwuka, mintsumbu ya vakhandziyi va makalichi ni vakhandziyi va tihanci a yi khukhuriwa hi magandlati naswona swilo swa ku lwa ha swona a swi hangalake na ribuwa ra lwandle. Va kongomisiwa hi Muxe, vavanuna va Israyele va yimbelele risimu ro hlula hi ntsako: “Ndzi ta yimbelela Yehova, hikuva u tlakukile ngopfu. Hanci ni mukhandziyi wa yona u swi hoxe endzeni ka lwandle. Yehova i nhenha ya nyimpi. Yehova i vito ra yena.”—Eksoda 15:1, 3, NW.

Ku hlula ka Yehova eLwandle ro Tshwuka hakunene a ku ri xikombiso xa vukulu bya yena enyimpini. Israyele u suke aEgipta hi xivumbeko xa nyimpi kambe hi vuswikoti byitsongo bya ku lwa. Hi ku tirhisa phuphu ya papa leyi veke phuphu ya ndzilo ni vusiku, Yehova u va kongomisile ku sukela eRamsese ku ya “e maav̌eni ya mananga” aEtamu. (Eksoda 12:37; 13:18, 20-22) Kutani Yehova u byele Muxe a ku: “Byela v̌ana v̌a Israel v̌a hambuka v̌a dzima miṭonga e mahlweni ka Pi-Hahiroto, e šikari ka Migdol ni lwandle, e ku langutana na Baal-Tsefon. . . . Kutani Faro o ta v̌ula hikwalaho ka v̌ana v̌a Israel a ku: V̌a lahlekile šikari ka nhov̌a. . . . O ta v̌a lanḍa.” (Eksoda 14:1-4) Hi ku yingisa, Vaisrayele va endle hi laha ku faneleke kutani va ya gova ePi-Hahiroto. Tinhlori ta Faro ti vike ku pfilunganeka loku a ku vonaka ku ri kona, naswona hi laha swi vhumbiweke ha kona, Faro u lulamise mavuthu ya yena leswaku ya va hlongorisa.—Eksoda 14:5-9.

Xirimbani—Eka Vaisrayele Kumbe Faro?

Va rhendzeriwe hi tintshava hi matlhelo hinkwawo, ni lwandle emahlweni ka vona, ni Vaegipta endzhaku, Vaisrayele lava tshukeke va vonake va phasiwile, kutani va kombele mpfuno eka Xikwembu. Loko a khutaza vanhu, Muxe u te: “Mi nga tšhav̌i; yimani mi ta v̌ona hi laha Yehova a nga ta mi lamulela ha kona namuntlha; hikuv̌a v̌a-Egipta lav̌a mi v̌a v̌onaka ŝeŝi, a mi nga ha tlheli mi v̌a v̌ona kambe. Yehova o ta mi lwela, kambe ṅwina mi ta timiyelela ntsena.” (Eksoda 14:10-14) Ku hetisisa xitshembiso xexo, “ku nembelela ka papa ku suka e mahlweni ka v̌ona ku ya yima e nḍaku ka v̌ona e šikari ka nyimpi ya v̌a-Egipta ni ya v̌a-Israel. . . . Kutani a v̌a ṭhinelelananga ni v̌usiku hikwabyo.”—Eksoda 14:15-20.

Hi laha Yehova a kongomiseke ha kona, Muxe u tlakuse nhonga ya yena ehenhla ka lwandle kutani ri “av̌ana hi le šikari” leswaku Vaisrayele va ta kota ku baleka. Mihlolo leyi hlamarisaka yi humelerile! (Eksoda 14:16, 21) Moya wa matimba lowu humaka evuxeni wu sungule ku avanyisa mati ya Lwandle ro Tshwuka, ya vumba muhocho lowu kuleke ku ringana wa tiko hinkwaro—leri ringanaka timiliyoni tinharhu—leswaku ri hundza hi kona. Exineneni ni le ximatsini xa muhocho wa Vaisrayele, mati lama “ṭuṭumaka” ma yime tanihi makhumbi mambirhi lamakulu.—Eksoda 15:8.

Vaisrayele, va rhendzeriwe hi papa ra ndzilo, va chavele emananga lama omeke. Ni mixo, vo hetelela va Vaisrayele a va pelele etlhelweni lerin’wana. “Kutani v̌a-Egipta v̌a v̌a hlongorisa, v̌a nghena e šikari ka lwandle e nḍaku ka v̌ona, ni mahantši ya Faro hikwawo, ni makaletši ya yena ni v̌akhanḍiyi v̌a yena.” Vahlongorisi a va wele exirimbanini!—Eksoda 14:23.

“Yehova a languta e nyimpi ya v̌a-Egipta a ri papeni ra nḍilo, kutani a pfulunganya nyimpi ya v̌a-Egipta. A hlumule masonḍo ya makaletši ya v̌ona, kutani v̌a ma koka hi matimba.” Muxe sweswi u tlakusela voko ra yena ehenhla ka lwandle, kutani “e lwandle ri tlhelela e v̌uṭhaṅweni bya rona.” Makhumbi ya mati ma mbindzimukile kutani ma sungula ku mita Vaegipta. Va ringete ku baleka, “kav̌a loko Yehova [a va] wisa ešikari ka lwandle.” A ku na la poneke! Hi ntsako, Vaisrayele va yimbelele risimu ra vona ra ku hlula eka Yehova.—Eksoda 14:24–15:3; Psalma 106:11.

Yehova U Lwela Yoxuwa

Yehova u tikombise a ri “nhenha ya nyimpi” etinyimpini tin’wana. Yin’wana a ku ri nyimpi ya le Ayi. Ku hlasela ko sungula emutini ku hlulekile hikwalaho ka xidyoho lexikulu xa Akani. Loko mhaka leyi yi lulamisiwile, Yehova u nyike Yoxuwa swileriso swa nyimpi.—Yoxuwa 7:1, 4, 5, 11-26; 8:1, 2.

Hi ku landzela swileriso swa Yehova, ni vusiku Yoxuwa u veke vatumbeleri endzhaku ka muti, etlhelweni ra wona ra le vuxeni. Vuthu ra yena lerikulu ri kongome en’walungwini wa nkova lowu nga ehandle ka Ayi naswona a ri vonaka ri tiyimisele ku hlasela hi le mahlweni. Vavanuna va Ayi a va phasiwile. Va ha tele hi ntsako hikwalaho ka ku hlula loku hundzeke, va hume hi ku hatlisa emutini kutani va hlongorisa Vaisrayele. Hi ku va xisetela, Vaisrayele va balekele “e ndleleni ya mananga,” va kokela valala va vona ekule na Ayi.—Yoxuwa 8:3-17.

Hi nkarhi lowu faneleke, Yehova u byele Yoxuwa a ku: “Ṭhambulutela tlhelo ra Ai e tlhari leri nge v̌okweni ra wena, hikuv̌a nḍi ta wu nyiketa e mav̌okweni ya wena.” Hi xikombiso lexi, vavanuna lava tumbeleleke va hlasela muti, va dlayetela ni ku hisa. Loko ma vona musi, mavuthu ya valala lama nga ehandle ma hetiwe matimba hi laha ku heleleke. Yoxuwa, loyi a humaka lomu a a tumbele kona ku ta hlasela, u phase valala va yena exikarhi ka mavuthu ya yena mambirhi. Xana a ku ri nyimpi ya munhu? Doo. Vaisrayele va hlurile hikuva, hi laha Yoxuwa endzhaku a vuleke ha kona eka vona a ku: “I Yehova Šikwembu ša ṅwina, loyi a mi lwelaka.”—Yoxuwa 8:18-27; 23:3.

Nyimpi Ya Le Kixoni

Vukulukumba bya Yehova enyimpini nakambe byi kombisiwe eNkoveni wa Kixoni, ekusuhi na Megido. Hosi ya Mukanana Yabini u tshikilele Vaisrayele ku ringana malembe ya 20. Vuthu ra yena, ehansi ka vufambisi bya Sisera, ku katsa ni magolonyi ya nyimpi ya 900 lama nga ni nsimbi emavhilweni ya wona—a ri vonaka ri ri vuthu ra matimba hi nkarhi wolowo.—Vaavanyisi 4:1-3.

Hambi swi ri tano, hi ku tirhisa muprofeta wa xisati Debora, Yehova u lerise Muavanyisi Baraka ku hlengeleta khume ra magidi ya mavuthu enhlohlorhini ya Ntshava ya Taboro ku lwa ni mavuthu ya Yabini. Hi ku hatlisa, Sisera u hlamurile eku engeteleni loku ka mavuthu ya nyimpi, a tsutsuma ku sukela eHaroxete ku ya enambyeni wa Kixoni, exikarhi ka ntshava ya Taboro na Megido. Handle ko kanakana u ehlekete leswaku laha rivaleni, masocha ya Vaisrayele lava nga hlomangiki ngopfu laya fambaka hi milenge a ma nge swi koti ku hlasela magolonyi ya yena. Hambi swi ri tano, a nga swi xiyanga leswaku a a lwa ni Nala wa le tilweni.—Vaavanyisi 4:4-7, 12, 13.

Yehova u lerise Baraka leswaku a suka evutumbelweni bya Taboro a ya erivaleni ra nkova a ya hlohlotela mavuthu ya Sisera ku lwa. Kutani Yehova a hlasela! Nhlaselo wa xitshuketa wu hundzule xivandla xa nyimpi xi va ndzhope, kutani swi sivela mavuthu ya Sisera ku famba. Va ha pfilunganyekile, mavuthu ya Israyele lama fambaka hi milenge ma hlule valala va wona hi ku olova. “Mav̌andla hinkwawo ya Sisera ma dlawa hi ku kariha ka fumu, ku nga poni munhu.” Nambu wa Kixoni lowu taleke wu mbombomerise magolonyi ya Vakanana naswona kumbexana wu nga ha va wu kukule ni mintsumbu yin’wana.—Vaavanyisi 4:14-16; 5:20, 21.

Nyimpi eHenhla Ka Gogo Ni Ntshungu Wa Yena

Swiendlakalo leswi swa khale a swi kombisa nyimpi leyikulu ya Yehova leyi ya ha taka. Loko hi languta evugima-musi hi vona nyimpi leyi nga ta humelela “loko ku herile masiku yo tala.” Hi ku ya hi vuprofeta bya Ezekiyele, Gogo, xikombiso xa “mufumi wa misava leyi,” Sathana Diyavulosi, u ta pfuxa ku hlasela ka misava hinkwayo. U ta kongomisa mavuthu ya yena ku hlasela “etinṭhav̌eni ta Israel” wo fanekisela, hi leswaku xivandla lexi nga henhla xa moya xa “Israel wa Šikwembu.”—Ezekiel 38:1-9; Yohane 12:31; Vagalatiya 6:16, BX.

Hi yihi miringo leyi Gogo a nga ta yi endla ku hlasela vanhu va Xikwembu? Vuprofeta byi kombetela eka xiyimo xa vona xa ku rhula ni lexi humelelaka hi tlhelo ra moya. Gogo u ri: “Nḍi ta khanḍiya, nḍi ya lwa ni tiko leri ra ŝimitana, nḍi ta wa henhla ka v̌anhu lav̌a vo rula, lava ṭhamaka hi ku ṭhemba, la’v̌a akeke v̌a nga biyi hi rirhangu, v̌a nga ri na tingole, hambi ti ri timbati. U ta ya u ya hlasela ni ku phanga . . . vanhu . . . le’ri tifuwelaka mintlhambi ni šuma.”—Ezekiel 38:10-12.

Entiyisweni, vanhu va Yehova a va fumanga hi tlhelo ra leswi vonakaka. Hambi swi ri tano, va humese rifuwo lero tala ra moya leswaku ri tirhisiwa eka ntirho wo chumayela wa misava hinkwayo. “Ntshungu lowukulu . . . lowu humaka ematikweni hinkwawo” wu hlengeletiwile, sweswi wu tlula timiliyoni ta mune. (Nhlavutelo 7:9, 10) Rifuwo hakunene! Sathana u hlundzukile hikwalaho ka rifuwo leri ra moya—u endla matshalatshala yo herisa vanhu va Xikwembu.

Kambe hi ku ya eka misava ya Israyele yo fanekisela, entiyisweni Gogo u hlasela Yehova Xikwembu hi yexe. “Mbilu ya mina yi ta tala v̌ukari,” ku vula Yehova loyi a nga ta rihisela hikwalaho ka vanhu va yena. Mavuthu ya Gogo ya ta herisiwa. “V̌a ta tlhavana hi fumo.” Kutani Yehova u ta tirhisa matimba ya yena yo herisa—“hi mpfula le’yikulu, ni maribye, ni nḍilo ni šiv̌av̌ula.” Hi laha a swi ri ha kona eLwandle ro Tshwuka, eAyi ni le Kixoni, Yehova nakambe u ta lwela vanhu va yena ni ku kwetsimisa vito ra yena. “Kutani nḍi ta titwarisa ni ku tikwetsimisa, nḍi ta titivisa e mahlweni ka matiko la’manyingi, ma ta tiv̌a leŝaku hi mina Yehova.”—Ezekiel 38:18-23.

Rhekhodo ya matimu ya tinyimpi ta Yehova eminkarhini ya khale yi hi nyika xivangelo xa ntshembo lowu heleleke eka nyimpi leyi nga emahlweni hi nkarhi wa ‘nhlomulo lowukulu.’ (Matewu 24:21, 22) Nkarhi hinkwawo, Yehova a nga hlula valala va yena kutani a endla swivandla swo kutsuriwa eka vanhu va yena. Entiyisweni, swi ta va hi laha muprofeta Esaya a profeteke ha kona: “Yehova wa huma tani hi nhenha, o pfuša v̌ukari bya yena tani hi munhu l’a yaka nyimpini, o tlakusa rito, o ba huwa, o kombisa matimba ya yena eka v̌alala v̌a yena.” (Esaya 42:13) Emahlweni ka vanhu va yena, hi laha ku nga heriki u ta va YEHOVA, “NHENHA YA NYIMPI”!—Eksoda 15:3.

[Mepe lowu nga eka tluka 25]

(Leswaku u vona rungula leri hleriweke hi ku helela, vona nkandziyiso wa kona)

Ndlela ya Riendzo ro suka aEgipta

GOXENI

Memfisi

Ramsese

Sukoti

Migidolo

Pihahiroto

Etamu

[Swifaniso leswi nga eka tluka 26]

Laha, exivandleni xa Ayi, Yehova u kongomise Yoxuwa ni vanhu va Yena eku hluleni loku tsemaka nhlana

Mati ya Kixoni ma tale hi ku hatlisa, swi pfuna ku hluriwa ka valala va Yehova

[Xihlovo Xa Kona]

Swifaniso: Pictorial Archive (Near Eastern History) Est.

    Minkandziyiso Ya Xitsonga (1987-2025)
    Huma
    Nghena
    • Xitsonga
    • Rhumela
    • Leswi u swi tsakelaka
    • Copyright © 2025 Watch Tower Bible and Tract Society of Pennsylvania
    • Swipimelo Swo Tirhisa Website Leyi
    • Milawu Yo Sirhelela Rungula Ra Xihundla
    • Seta Swa Xihundla
    • JW.ORG
    • Nghena
    Rhumela