Nhlangano Wa Lembe Na Lembe

OCTOBER 2, 1993

NHLANGANO WA LEMBE NA LEMBE wa swirho swa Watch Tower Bible and Tract Society of Pennsylvania wu ta tameriwa hi October 2, 1993, eHolweni ya Nhlengeletano ya Timbhoni ta Yehovha, 2932 Kennedy Boulevard, Jersey City, New Jersey. Nhlangano wo sungula wa swirho ntsena wu ta khomiwa hi 9:30 a.m., wu landziwa hi nhlangano wa mani na mani wa lembe na lembe hi 10:00 a.m.

Swirho swa Vandla leri swi fanele ku tivisa Hofisi ya Matsalana sweswi hi ku cinca kwihi na kwihi ka tiadirese ta swona ta poso loku endlekeke n’wexemu leswaku mapapila ya ntolovelo ya xitiviso ni maphepha ya nhlawulo swi ta fika eka vona endzhakunyana ka August 1.

Maphepha ya nhlawulo, lama nga ta rhumeriwa eka swirho kun’we ni xitiviso xa nhlangano wa lembe na lembe, swi fanele ku tlhela swi rhumeriwa leswaku swi fika eHofisini ya Matsalana wa Sosayiti ku nga si hundza August 15. Xirho xin’wana ni xin’wana xi fanele ku tata ni ku tlhela xi rhumela phepha ra xona ra nhlawulo hi xihatla, xi vula loko xi ta va kona hi xoxe enhlanganweni kumbe loko xi nga ta va kona. Rungula leri nyikeriweke eka phepha rin’wana ni rin’wana ra nhlawulo ri fanele ku va leri tiyeke emhakeni leyi, tanihi leswi hi nga ta tiseketela ha rona ku kumisisa lava kahle-kahle va nga ta va kona hi xiviri.

Ku ehleketiwa leswaku nongonoko hinkwawo, ku katsa ni nhlangano lowu endliwaka ximfumo wa bindzu ni swiviko, swi ta hetiwa hi 1:00 p.m. kumbe endzhakunyana ka kwalaho. Nongonoko wa ni ndzhenga wu ta va wu nga ri kona. Hikwalaho ka leswi ndhawu yi nga yitsongo, ku ta ngheniwa hi thikithi ntsena. Ku hava malunghiselelo lama nga ta endliwa yo yisa nhlangano wa lembe na lembe eswivandleni swin’wana hi tiqingho.