Nhlangano Wa Lembe Na Lembe Wa October 5, 1996

NHLANGANO WA LEMBE NA LEMBE wa swirho swa Watch Tower Bible and Tract Society of Pennsylvania wu ta khomiwa hi October 5, 1996, eHolweni ya Nhlengeletano ya Timbhoni ta Yehovha, le 2932 Kennedy Boulevard, Jersey City, New Jersey. Nhlangano wo sungula wa swirho ntsena wu ta va hi 9:15 nimixo, ivi wu landzeriwa hi nhlangano wa mani na mani wa lembe na lembe hi 10:00 nimixo.

Swirho swa Vandla leri swi fanele ku tivisa Hofisi ya Matsalana sweswi, hi ku cinca kun’wana ni kun’wana ka tiadirese ta swona ta poso loku endlekeke n’wexemu leswaku mapapila ya ntolovelo ya xitiviso ni maphepha ya nhlawulo ma ta fika eka vona hi July.

Maphepha ya nhlawulo, lama nga ta rhumeriwa swirho kun’we ni xitiviso xa nhlangano wa lembe na lembe, ma fanele ku tlhela ma rhumeriwa leswaku ma fika eHofisini ya Matsalana wa Sosayiti ku nga si hundza August 1. Xirho xin’wana ni xin’wana xi fanele xi tata xi tlhela xi rhumela phepha ra xona ra nhlawulo hi xihatla, xi vula loko xi ta va kona enhlanganweni kumbe e-e. Rungula leri nyikeriwaka eka phepha rin’wana ni rin’wana ra nhlawulo ri fanele ku va leri kongomeke, tanihi leswi hi nga ta tirhisa rona ku vona lava nga ta va kona hi xiviri.

Ku languteriwe leswaku nongonoko hinkwawo, ku katsa ni nhlangano wa nhlawulo lowu endliwaka ximfumo ni swiviko, wu hetiwa hi 1:00 ninhlikanhi kumbe endzhakunyana ka kwalaho. A ku nge vi na nongonoko wa nindzhenga. Hikwalaho ka leswi ndhawu yi nga yitsongo, ku ta ngheniwa hi thikithi ntsena. Ku hava malunghiselelo lama nga ta endliwa yo yisa nhlangano wa lembe na lembe etiholweni tin’wana hi tinqingho.