Ta Vantshwa Va Hina
Wanuna Loyi A A Ri Ni Ripfumelo Eka Switshembiso Swa Xikwembu
Swiletelo: Endla xitoloveto lexi endhawini leyi nga riki na pongo. Loko u ri karhi u hlaya matsalwa, tianakanye u ri eka xiendlakalo lexi u hlayaka ha xona. Vona xiendlakalo xa kona hi mahlo ya mianakanyo. Twana marito lawa va ma vulaka. Titwe hi ndlela leyi vanhu lava ku vulavuriwaka ha vona va titwaka ha yona.
VONA XIENDLAKALO XA KONA HI MAHLO YA MIANAKANYO.—HLAYA GENESA 12:1-4; 18:1-15; 21:1-5; 22:15-18.
Hlamusela ndlela leyi Abrahama a nga ha va ka a titwe ha yona loko a twa xitshembiso xa Xikwembu xa leswaku a a ta va kokwa wa “mbewu” leyi a yi ta vuyerisa misava hinkwayo.
․․․․․
Xana u ehleketa leswaku vaendzi vanharhu a va languteka njhani loko va humelela eka Abrahama hilaha va hlamuseriweke hakona eka Genesa 18:2?
․․․․․
Xana u ehleketa leswaku Abrahama a a swi endlisa ku yini leswi hlamuseriweke eka Genesa 18:6-8? (Tsundzuka leswaku hi nkarhi wolowo Abrahama a a ri ni malembe ya kwalomu ka 100.)
․․․․․
ANAKANYISISA SWINENE HI MHAKA LEYI.
Xana ku hundze nkarhi wo tanihi kwihi exikarhi ka nkarhi lowu Yehovha a tshembiseke Abrahama n’wana ni nkarhi lowu Isaka a velekiweke ha wona? (Tlhela u hlaya Genesa 12:4 na 21:5.)
․․․․․
Xana Yehovha u tiyisekise Abrahama hi yini hi nkarhi lowu a a rindze ku hetiseka ka switshembiso swa yena? (Tlhela u hlaya Genesa 12:7; 13:14-17; 15:1-5, 12-21; 17:1, 2, 7, 8, 15, 16.)
․․․․․
Xana Yehovha u n’wi endlele yini Abrahama loko a kombise leswaku a a nga tiyiseki leswaku a ta va ni n’wana wa mufana? (Tlhela u hlaya Genesa 15:3-5, 12-21.)
․․․․․
Xana Yehovha u byi paluxe njhani vuxokoxoko malunghana ni “mbewu” hakatsongo-tsongo?
․․․․․
TIRHISA LESWI U SWI DYONDZEKE. SWI TSALE EHANSI LESWI U SWI DYONDZEKE MALUNGHANA NI . . .
Xilaveko xo va ni ripfumelo eka swilo leswi Xikwembu xi swi tshembiseke.
․․․․․
Ndlela leyi Yehovha a ku paluxeke ha yona ku rhandza kakwe hakatsongo-tsongo.
․․․․․
HI WIHI NCHUMU WA NKOKA LOWU U WU DYONDZEKE EKA RUNGULA LERI NASWONA HA YINI?
․․․․․