Ta Vantshwa Va Hina

Ndlela Leyi Paradeyisi Yi Lahlekeke Ha Yona

Swiletelo: Endla xitoloveto lexi endhawini leyi nga riki na pongo. Loko u ri karhi u hlaya matsalwa, tianakanye u ri eka xiendlakalo lexi u hlayaka ha xona. Vona xiendlakalo xa kona hi mahlo ya mianakanyo. Twana marito lawa va ma vulaka. Titwe hi ndlela leyi vanhu lava ku vulavuriwaka ha vona va titwaka ha yona. Endla leswaku rungula leri ri twala onge ri le ku endlekeni sweswi.

VONA XIENDLAKALO XA KONA HI MAHLO YA MIANAKANYO.—HLAYA GENESA 3:1-24.

Xana u ehleketa leswaku Evha u angurise ku yini loko nyoka yi sungula ku vulavula na yena?

․․․․․

Loko u ri karhi u tsundzuka leswaku Adamu na Evha va dyohe hi vomu, xana u ehleketa leswaku a va ti twisa ku yini hilaha swi boxiweke hakona eka ndzimana 7-10?

․․․․․

Hi mahlo ya mianakanyo, u va vona va ri njhani Adamu na Evha loko va ri karhi va hlongoriwa entangeni wa Edeni, hilaha swi hlamuseriweke hakona eka ndzimana 22-24?

․․․․․

ANAKANYISISA SWINENE HI MHAKA LEYI.

Xana mahlo ya Evha ma hoxe xandla hi ndlela yihi leswaku a dyoha? (Tlhela u hlaya ndzimana 6.)

․․․․․

Ha yini mbhandzu “a wu navetisa” eka Evha? (Tlhela u hlaya ndzimana 4 na 5.)

․․․․․

Xana ku nga ha va ku ri yini lexi endleke leswaku Adamu a hlanganyela na Evha eka xidyoho xakwe? (Tlhela u hlaya ndzimana 6.)

․․․․․

Xana vuyelo lebyi veke kona hikwalaho ka xidyoho a byi ta byi khumba njhani vuxaka lebyi nga kona exikarhi ka vavanuna ni vavasati eka xitukulwana lexi landzelaka? (Tlhela u hlaya ndzimana 16.)

․․․․․

Xana swi vonake njhani leswaku vuxaka bya Adamu na Evha byi onhakile hikwalaho ka xidyoho lexi va xi endleke? (Tlhela u hlaya ndzimana 12.)

․․․․․

Xana Yehovha u hatle a xi tlhantlha njhani xiphiqo leswaku xikongomelo xakwe xi humelela? (Tlhela u hlaya ndzimana 15.)

․․․․․

TIRHISA LESWI U SWI DYONDZEKE. SWI TSALE EHANSI LESWI U SWI DYONDZEKE MALUNGHANA NI . . .

Khombo ro lava ku ti lawula.

․․․․․

Ndlela leyi mahlo ma nga ku kucetelaka ku endla swilo swo biha ha yona.

․․․․․

Ndlela leyi swi nga pfuniki ha yona ku sola van’wana hikwalaho ka swihoxo swa hina.

․․․․․

HI WIHI NCHUMU WA NKOKA LOWU U WU DYONDZEKE EKA RUNGULA LERI NASWONA HA YINI?

․․․․․