Ta Vantshwa Va Hina

Namarhelani Swilo Leswi Mi Tiyisekaka Ha Swona!

Swiletelo: Endla xitoloveto lexi endhawini leyi nga riki na pongo. Loko u hlaya matsalwa, tianakanye u ri eka xiendlakalo xa kona. Xi vone hi mahlo ya mianakanyo. Twana leswi vanhu va kona va swi vulaka. Titwe hi ndlela leyi va titwaka ha yona. Endla leswaku rungula leri ri hanya.

Swimunuhatwa-nkulu: Yeremiya, Ebedi-meleke na Hosi Sedekiyasi

Nkatsakanyo: Yeremiya a a kanetiwa swinene loko a ri karhi a twarisa rungula ra Xikwembu ra leswaku vanhu va le Yuda va fanele va tinyiketa eka Vakalidiya.

1 VONA XIENDLAKALO XA KONA HI MAHLO YA MIANAKANYO.—HLAYA YEREMIYA 38:1-5.

U ehleketa leswaku Yeremiya u titwe njhani loko a ri karhi a vulavula ni vanhu va le Yuda?

․․․․․

U ehleketa leswaku a ri ri njhani rito ra Yeremiya loko a ri karhi a byela vanhu hi xilemukiso xa Yehovha?

․․․․․

ANAKANYISISA SWINENE HI MHAKA LEYI.

I yini leswi Yeremiya a a tiyiseka ha swona leswi n’wi pfuneke leswaku a vulavula hi xivindzi?

․․․․․

2 VONA XIENDLAKALO XA KONA HI MAHLO YA MIANAKANYO.—HLAYA YEREMIYA 38:6-13.

Hi ku tirhisa miehleketo ya wena, hlamusela ku anama ka xihlovo, ku enta ka xona ni risema ra xona.

․․․․․

U ehleketa leswaku Yeremiya u titwe njhani loko a ri karhi a “mbombomela endzhopeni”? (Tlhela u hlaya ndzimana 6.)

․․․․․

ANAKANYISISA SWINENE HI MHAKA LEYI.

Tirhisa minkandziyiso yin’wana yo endla ndzavisiso leyi u nga na yona leswaku u kumisisa swin’wana leswi a wu nga swi tivi malunghana ni swihlovo leswi a swi tirhisiwa eminkarhini ya Bibele.

․․․․․

Ebedi-meleke a a tiyiseka njhani leswaku u ta swi kota ku ponisa Yeremiya loko a ya kombela ku n’wi humesa exihlobyeni? (Tlhela u hlaya tindzimana 7-9.)

․․․․․

Ha yini Sedekiyasi a pfumerile leswaku tihosana ti hoxa Yeremiya exihlobyeni, a tlhela a pfumela hi ku olova loko Ebedi-meleke a kombela leswaku a humesiwa? (Tlhela u hlaya tindzimana 5 na 10.) Tindzimana leti ti hi byela yini hi vumunhu bya Sedekiyasi, ni hi ku nga namarheli eka leswi a a tiyiseka ha swona?

․․․․․

Emhakeni leyi, hi vahi vanhu lava a va namarhele swinene eka leswi va tiyisekaka ha swona naswona hi vahi lava a va nga swi namarheli? Ha yini u hlamula tano?

․․․․․

3 TIRHISA LESWI U SWI DYONDZEKE. SWI TSALE EHANSI LESWI U SWI DYONDZEKE MALUNGHANA NI . . .

Xivindzi.

․․․․․

Ku tiyiseka.

․․․․․

Ndlela leyi Yehovha a va sirhelelaka ha yona vanhu lava n’wi chavaka naswona va n’wi yingisaka.

․․․․․

Loko u ri ehansi ka ntshikilelo, ku tiyiseka ku nga ku pfuna njhani leswaku u endla leswi nga swinene?

․․․․․

4 HI WIHI NCHUMU WA NKOKA LOWU U WU DYONDZEKE EKA RUNGULA LERI NASWONA HA YINI?

․․․․․

LOKO U NGA RI NA BIBELE, YI KOMBELE EKA TIMBHONI TA YEHOVHA KUMBE U HLAYA MINKANDZIYISO LEYI SEKERIWEKE EBIBELENI EKA www.watchtower.org