Ta Vantshwa Va Hina

Ndlela Yo Kuma Vanghana Vo Tshembeka

Swiletelo: Endla xitoloveto lexi endhawini leyi nga riki na pongo. Loko u hlaya matsalwa, tianakanye u ri eka xiendlakalo xa kona. Xi vone hi mahlo ya mianakanyo. Twana leswi vanhu va kona va swi vulaka. Titwe hi ndlela leyi va titwaka ha yona. Endla leswaku rungula leri ri hanya.

Swimunuhatwa-nkulu: Yonathani, Davhida na Sawulo

Nkatsakanyo: Endzhaku ka loko Davhida a dlaye Goliyadi, Yonathani u ve munghana wakwe lonkulu.

1 VONA XIENDLAKALO XA KONA HI MAHLO YA MIANAKANYO.—HLAYA 1 SAMUWELE 17:57–18:11; 19:1; 20:1-17, 41, 42.

Hlamusela ndlela leyi u vonaka onge Sawulo a a languteka ha yona. (Lexi nga ku pfunaka ku kuma nhlamulo. Hlaya 1 Samuwele 10:20-23.)

․․․․․

Loko Davhida a hlangana na Yonathani swi nga ha endleka leswaku a a ri emalembeni ya kondlo-a-ndzi-dyi. U ehleketa leswaku Davhida a a languteka njhani? (Lexi nga ku pfunaka ku kuma nhlamulo. Hlaya 1 Samuwele 16:12, 13.)

․․․․․

U ehleketa leswaku Davhida na Yonathani va titwe njhani loko va hambana eku heleni ka Samuwele wo Sungula ndzima 20?

․․․․․

2 ANAKANYISISA SWINENE HI MHAKA LEYI.

Bibele yi vula leswaku “moya-xiviri wa Yonathani wu namarhelana ni moya-xiviri wa Davhida.” Kasi Bibele leyi vuriwaka Contemporary English Version yi swi veka hi ndlela leyi, “Davhida na Yonathani va ve vanghana lavakulu.” (1 Samuwele 18:1) Hi tihi timfanelo leti Davhida a a ri na tona leti endleke leswaku Yonathani a va munghana wakwe? (Lexi nga ku pfunaka ku kuma nhlamulo. Hlaya 1 Samuwele 17:45, 46.)

․․․․․

Yonathani a a hundza Davhida hi malembe ya kwalomu ka 30. Kambe u ehleketa leswaku i yini leswi va pfuneke leswaku va va “vanghana lavakulu,” ku nga khathariseki malembe lawa a va siyana ha wona?

․․․․․

Hi tihi timfanelo leti endlaka munhu a va munghana lonene, hilaha swi kombisiweke hakona emhakeni leyi nga laha henhla? (Lexi nga ku pfunaka ku kuma nhlamulo. Hlaya Swivuriso 17:17; 18:24.)

․․․․․

Ha yini Yonathani a a tshemba Davhida ku tlula tata wakwe?

․․․․․

3 TIRHISA LESWI U SWI DYONDZEKE. SWI TSALE EHANSI LESWI U SWI DYONDZEKE MALUNGHANA NI . . .

Vunghana.

․․․․․

Vutshembeki.

․․․․․

Ku endla xinghana ni vanhu lava kuleke.

․․․․․

I yini leswi u nga swi endlaka leswaku vanhu van’wana va ku languta tanihi munghana wa xiviri?

․․․․․

4 HI WIHI NCHUMU WA NKOKA LOWU U WU DYONDZEKE EKA RUNGULA LERI NASWONA HA YINI?

․․․․․

LOKO U NGA RI NA BIBELE, YI KOMBELE EKA TIMBHONI TA YEHOVHA KUMBE U HLAYA MINKANDZIYISO LEYI SEKERIWEKE EBIBELENI EKA www.watchtower.org